Phulwari Sindhi Proverbs

ڪَڻي گهٽ ڪاسو.
ڪَڻن سان گڏ گُهڻا به پيسجي ويندا آهن.
ڪڻڪَ کري ته ڌَڻڪَ ڪري.
ڪڻڪ جي مانيءَ لاءِ فولادي پيٽ گهرجي.
ڪَڻڪَ سان گڏ ڌڻڪ به پيسجي ويندي آهي.
ڪڻڪ، ڪماند، مَڪئي، ٻي پڻ کيتي ڪُل، پاڻ ٻاجهون نه ٿئي، تون ڳالهه اها نه ڀُل.
ڪُهاڙيءَ ڪهڙو ڏوههُ ڳَنُ وڍيندڙ هَٿَ ۾.
ڪهڙي اربع خطا ٿي پئي؟
ڪهڙي باغَ جي موري آهين؟
ڪهڙي چَڪيءَ جو اَٽو ٿو کائين؟
ڪُجهه امان جي به هَٿَ ۾ آهي، ڌيڻس ته ماني پچائي، وَڻيس ته ڀَتُ رَڌي.
ڪجهه گُذري آ، ڪجهه گذري ويندي.
ڪَڪَر ڏِسي، دِلا نه ڀڃجن.
ڪُڪڙ اڳي يا آنو اڳي.
ڪُڪڙِ ٻچن سوڌي انڌي.
ڪُڪڙنِ دَسَ نه ڏِنا، ته ڇا صبح نه ٿيندو؟
ڪُڪڙ ڪورين جي، ناموسَ وڏيري جي.
ڪُئو ٻرَ ۾ ڀاڻ نه پُورو، ويتر ٻڌائين ڇَڄُ.
ڪُئو کوٽي مُنهَن ۾ پائي.
ناگهان بي گهمانُ.
ناچُ نه ڄاڻي، اڱڻُ اونڌو.
ناڙِي بادشاهه ڪيرو وزيرُ ڇَٽ ٻانهي.
نانگُ به مري لٺِ به بَچي.
نانگ کي پيٽَ ۾ پيرَ.
نانگَ کي نانگُ ڇا ڪندو؟
نانگ جو ٻچو نانگُ ئي ٿيندو.
نانگ جو ڏنگيل نوڙيءَ کان به ڊڄي.
نانگُ مارائجي دشمن کان.
نانگَ ۾ نُوَ وَڪڙَ.
نانگُ ويو نڪري ليڪو پيو ڪُٽجي.
نانگُ وَرَ ۾ هَٿُ سرَ ۾ ۽ پِيرُ گهر ۾ چڱو ڪونهي.
ناني اڳيئي نَچڻي، مٿان آيس سَهِرَن جو سَڏُ.
ناني مري ڏُهٽيءَ لاءِ، ڏُهِٽي مري چگهن لاءِ.
ناني نوري، سڀ ڪَمَ ۾ پُوري.
نالي ۾ نِهال اَدِي آريجن جي.
نه اُسَ نه ڇانءَ.
نه اُوندو نه سَنئُون.
نه اَڻائي گهٽيءَ ۾ وڃجي نه ڪُتو کائي.
ناڻوُ نينهن ٽوڙُ آهي.
ناڻو نَر نَوائي.
ناڻو هٿِ ايندو ٽاڻُو هٿِ نه ايندو.
نه پاڇي پوي نه ڪُتو ڀونڪي.
نه پاروٿو بچي نه ڪتو دَر تي اچي.
نپٽو مُئو ڪنهن نه سُئو.
نه پيٽُ نه پُٺي، ادي کي ڄائو ٻارُ.
نِڀاڳي ٻار کي آچر ڏينهن پڙهڻ جو شوقُ.
نه تَختُ نه بَختُ، رڳو قرب ۾ ڪٽجي وَقتُ.
نِت نئون سِجَ سنئون.
نه فقير پنڻ کان رهي نه ڪتو ڀُونڪڻ کان رهي.
نه کي نَو ڪوٽَ.
نياپو اُماڻيندڙ ته لک لهي، پر ڏيندڙ نه کاري.
نِياڻي نِماڻي ذاتِ.
نياڻي نوڙت سيکاري ٿي.
نياڻيءَ آئي خُونَ به بخشيو ڇڏين.
نياڻيءَ کي گار هڪ ڀيرو ڏبي آهي.
نياڻيءَ کي مائٽ لاڳُ ڏيندا ڀاڳُ نه ڏيندا.
نيپاجُ مٺِو آهي.
نيتَ بَد روٽي رَدِ.
نيتَ صافُ، منزل آسان.
نِيم نان، صحت جان.
نِيرَ جو ٽڪو لهي وڃي پر گِلا جو ٽِڪو نه لهي.
نِينگرُ جو پنهنجي وَههَ ڇڏبو، سو مائٽ پُڻائيندو.
نِينُهن نيهاڻِي، ڌَرمُ ٺِڪاڻي.
نيڪيءَ جي ڪم ۾ دير نه ڪجي.
نيڪي ڪندڙ کان ڀَڄُ، گِلا ڪندڙ سان پيارُ ڪر.
نه ڌَڪُ لڳي، نه عُضوو کَري.
نه جيئرن جي جهانَ ۾، نه مُئنِ جي مُقام ۾.
نه ڄمي ها، نه در تي ڍولڪَ وڄي ها.
نه ڄڻي ها، نه در تي دُهل وڄي ها.
نه چانديءَ جي ريت، نه سونَ جي توفيق.
نه چُتِ نه کُتِ.
نَرُ آهي کَرُ.
نَرن ۽ ناهرن جون ڳالهيون ورهين تائين وڄن.
نهَ روئڻ واري، نه پِٽڻ واري.
نزلو سدائين ڪمزور عضوي تي ڪِرندو آهي.
نمازَ جنت جي ڪُنجي آهي.
نِمِ ٻٽيهن مرضن تي پوي.
نَمُ ته ٿِيئي ڪَمُ.
نِمن جون ڇانِئون، سيدن جون دُعائون.
نه مُئن گَڏُ، نه جيئرن گَڏُ.
نَنگيءَ تي نَنگُ آهي.
نَنگُ ڇڏي نانگا ٿيا، تن نانگن ڪهڙو ننگُ؟
نَنگرُ ڪيئن ڦِٽو؟چي، ”ڄَڻو وَڻو.“
نِنڊَ اَڌُ موتُ آهي.
نِنڊَ، سُوريءَ تي به اچيو وڃي.
ننڍائي وئي نڪري، وڏائيءَ تي ٿي وار.
نَنڍي نِيامت، وڏي قيامتُ.
ننڍڙي پر وِههَ جي ڳَنڍڙي.
ننڍن ڪُئن، وڏن ڪُئن جا ڪن ڪُتريا.
ننڍو آهين ته نيازُ ڪر، وڏو آهين ته پيارُ ڪر.
ننڍو ڳوڙهو، به پاٽيءَ جيڏو.
ننڍو واتُ، وڏي ڳالهه.
ننڍو واتُ وڏو واڪو.
نه لَهڻي ۾ نه ليکي ۾.
نه سُٽُ نه ڪپاس، رڳو دغا بازيءَ جي آسَ.
نه سڄڻ آسرو، نه دشمن ڀَهءُ.
نشو ڪري، اميرُ يا فقيرُ.
نه ويو آهين ڊڀري، نه اٿئي آندل شاهه جي خبرَ.
نورُ آهي ته جهانءُ آهي.
نوراني نُور هربلا دور.

Online Sindhi Learning

SLA has developed online Sindhi Learning portal where non Sindhi speakers can easily learn Sindhi Language, which is developed from basic level to advance. This portal is based on Dr. Fahmida Hussain’s linguistic methodology of learning.

Visit the site

Virtual Books Library

SLA has developed virtual library where bulk amount of books in Sindhi Language’s history, learning, are posted as downloadable & online readable format. This library is developed for all platforms and systems for better access.

Visit the library

Portal for Sindhi Kids

For the Sindhi kids who are studying in primary schools, SLA has presented online academic songs extracted from their text books in musical structure. The soothing portal is ideal for Sindhi primary students.

Go to portal