آن لائين سنڌي لغتون
Online Sindhi Dictionaries
لفظ ٽائيپ ڪريو
مضمون
مضمون
(Essay)
لفظ”مضمون“ سنڌي زبان ۾ تمام وسيع مفهوم رکي ٿو. ان جو استعمال ڪيترين معنائن ۾ ٿئي ٿو. مثال طور نثر جي ڪنهن به بياني لکت، ان جي موضوع (Subject)، متن(Text) ، عنوان (Topic)، مرڪزي خيال (Them) يا شعر جي مواد (Content) کي عام طور مضمون سڏيو ويندو آهي. اردو ۾ مضمون کي ’انشائيه‘ چيو ويندو آهي. جيتوڻيڪ ٻنهي اصطلاحن ۾ فرق به آهي. لفظ مضمون عربي ٻوليءَ جي لفظ ”ضمن“ مان ورتل آهي، جنهن جي معنيٰ آهي”گڏ ڪرڻ“، ان ڪري ڪنهن به موضوع کي دليلن، مثالن ۽ حوالن سان تشريح، وضاحت، مناسب ترتيب ۽ موزون لفظن کي پيش ڪرڻ کي مضمون چئبو آهي. لفظ مضمون جي وصف اسان وٽ انگريزي لفظ Essay مان آئي آهي. ”ايسي“ (Essay) فرانسيسي ٻوليءَ جي لفظ ”Essai“ مان ورتل آهي، جنهن جي معنيٰ آهي ”سعيو“ يا ”ڪوشش“ (Attempt) ڪرڻ. ان جو مطلب ٿيو ته مضمون ڪنهن موضوع تي لکڻ جي ڪوشش جو نالو آهي، مضمون نگاريءَ جو بنياد فرانسيسي دانشور مائيڪل ڊي مانٽين (1533-1592ع) وڌو. سندس ابتدائي تخليقون 1650ع ڌاري مجموعن ۾ آيون. هن پنهنجي ذاتي تاثرن ۽ تخليقي جي روپ ۾ شايع ٿيل لکيڻن کي ”ايسز“ (Esais) جو نالو ڏنو. انگريزيءَ ۾ فرانسسز بيڪن (1561- 1626ع) هن صنف کي مشهور ڪيو. سنڌيءَ ۾ مضمون نگاري انگريز دَور کان زور ورتو. مرزا قليچ بيگ، ڏيارام گدومل، پرمانند ميوارام، ڀيرومل مهر چند، لعلچند، امر ڏنومل، ڄيٺمل پرسرام، ڊاڪٽر دائود پوٽي، ڊاڪٽر گربخشاڻي، عبدالحسين موسوي، عثمان علي انصاري، ڊاڪٽر بلوچ، محمد ابراهيم جويي، هيري ٺڪر، ڪيرت ٻاٻاڻي، مرليڌر جيٽلي، اي. جي. اُتم، ستيش روهڙا ۽ ڊاڪٽر فهميده حسين ۽ ٻين مضمون جي صنف کي وڏي هٿي ڏني آهي.
پرنٽ ٽيڪنالاجيءَ جي ڊڪشنريءَ مان:
مضمون
Article
Eassy
مضمون سان لاڳاپيل لفظ
- مضمون جو خاڪو، سرسري جائزو
- مضمون جو عنوان
- مضمون جو عنوان، سرو
- مضمون جو مواد ، فڪري ماديت
- مضمون جي اجوري جو قانون، لکت جي معاوضي جو ضابطو
- مضمون جي تبديلي
- مضمون نويس
- مضمون نويسي جو پرچو
- مضمون نگارُ
.
مضمون بابت وڌيڪ اصطلاح
.
مضمون لفظ جو عام استعمال
- اخبار يا رسالي ۾ مضمون لکڻ
- ادبي چوري، مضمون جي چوري
- بناوت، مضمون جو ٺاهه، ٻوٽو يا جاندار چيز، ترتيب
- بي ترتيب مضمون يا شعر
- بي قاعدي گفتگو ڪندڙ، بي ترتيب مضمون لکندڙ
- تيزاب جي باري ۾ ڄاڻ علم ڏيندڙ مضمون The science of acids
- جو پرائي مضمون کي پنهنجي نالي سان ڇاپي
- عنوانن جي فھر، ڪتاب جا مضمون
- مختلف ڇپائي، ڪنهن ڪتاب ۾ ڌار ڇپائيءَ وارو مضمون يا مواد شامل ڪرڻ
- هن معاملي جو- هن مضمون جو
- وهلور وڃڻ، اصل مضمون ڇڏي ٻيءَ ڳالهه ۾ پوڻ
- پيش ڪيل مضمون ۾ نقص
- ڪنهن ھڪ مضمون ۾ خاص مھارت، مڪمل ڄاڻ
Online Sindhi Learning
SLA has developed online Sindhi Learning portal where non Sindhi speakers can easily learn Sindhi Language, which is developed from basic level to advance. This portal is based on Dr. Fahmida Hussain’s linguistic methodology of learning.
Visit the siteVirtual Books Library
SLA has developed virtual library where bulk amount of books in Sindhi Language’s history, learning, are posted as downloadable & online readable format. This library is developed for all platforms and systems for better access.
Visit the libraryPortal for Sindhi Kids
For the Sindhi kids who are studying in primary schools, SLA has presented online academic songs extracted from their text books in musical structure. The soothing portal is ideal for Sindhi primary students.
Go to portal