لاڙو

:جامع سنڌي لغات ۾

لاڙو

لاڙو جمع لاڙا: ذ . لَڙڻ يا مائل ٿيڻ واري حالت ، اُتارُ ، رَغبَتَ، جهڪاءُ ، رُخُ، چاههُ، ليٽ ، خيال ، ميل ، توجهه ، شوق . چاٽي، ڦيرو ، پاسو ، طرف. وَڪَڙ، حملو.

لاڙُو جمع لاڙُو: ذ . صفت. لڙندڙ ، لهڻ وارو سج ، لهندڙ ، پوئتي ورندڙ ، لاڙو پلو درياءَ سکر کان پوئتي سمنڊ ڏان موٽندڙ.

مخففن جي سمجھاڻي

(ج)= جمع؛ (ت) =اترادي ٻولي؛ (ل) = لاڙ جي ٻولي؛ (ڪ) = ڪوهستان ۽ ڪاڇي جي ٻولي؛ (ٿ) = ٿر يا ٿرپارڪر جي ٻولي؛ (ڍاٽ) = ٿر جي علائقي ڍاٽ يا ڍاٽڪي ٻولي؛ (ک) = کارو يا ٺٽي جي ساحلي علائقن جي ٻولي؛ (ڪ)-(لس) =ڪوهستان ۽ لس ٻيلي جي ٻولي؛ (ڪڇ) = ڪڇي رياست يا ڪڇي ۽ جتڪي ٻولي؛ (ذ) = اسم مذڪر؛ (ث) = اسم مؤنث؛ (ذ، صفت) =صفت مذڪر؛ (ث، صفت) = صفت مؤنث؛ (سن) = سنسڪرت؛ (هه) = هندي؛ (پرا) = پراڪرت؛ (ع) = عربي؛ (ب) = بلوچي؛ (ف) = فارسي؛ (انگ) = انگريزي

ادبي اصطلاحن جي تشريحي لغت مان:

لاڙو

(Literary Trend)

”لاڙو“ (Trend) ڪنهن خاص وقت ۾ ڪنهن خاص موضوع يا تحرير جي رجحان يا ڌارا جي استعمال لاءِ چاهه کي چئبو آهي. يورپي ادب تي نظر وجھڻ سان خبر پوندي تھ ان جي ترقيءَ جو دارومدار ھميشھ ادبي تحريڪن ۽ نون لاڙن جي جنم وٺڻ جي ڪري ٿيو اھي. مثال طور انگريزي ادب ۾ ”رومانيت“ ۽ ”ڪلاسڪيت“ جا لاڙا ھميشھ غالب رهيا اھن ۽ ان کان سواءِ جديد ادبي لاڙن جو بھ وقت بھ وقت اثر رھندو ايو اھي، جهڙوڪ: سرريئلزم، وجوديت، جديديت. بعد جديديت. انگريز دور کان وٺي ڪيترن يورپي ادبي لاڙن جو سنڌي ادب به اثر قبول ڪيو اھي. ان کان سواءِ ”قومپرستي“، ”مقاميت نگاري“، ”سماجي حقيقت نگاري“، ”علامت نگاري“ وغيره جا لاڙا پڻ سنڌي ادب ۾ ڏسي سگهجن ٿا.

هارپ جي لغت مان: