oesophagus, cancer of

اِي.سو.في.گس ـ ڪينسر ـ آف

لڪيءَ جي ڪينسري ڳوڙھي، جيڪا 50 سالن کان وڏيءَ عمر جي فردن ۾ گهڻي عام ٿئي ٿي ۽ گهڻي ڀاڱي لڪيءَ جي وچين يا ھيٺين حصي کي متاثر ڪري ڳھڻ ۾ تڪليف پيدا ڪري ٿي. تماڪ ڇڪڻ ۽ گهڻي الڪوحل جو استعمال ان جي ٿيڻ جا خطرا ٿين ٿا. تڪليفون آھستي آھستي ايتريون بدتر ٿي وڃن ٿيون جو کاڌو ھڪدم اوڳاڇي ڇڏجي ٿو ۽ وزن تيزيءَ سان گهٽجي وڃي ٿو. اوڳاڇيل پاڻيٺ نڙگهٽ (trachea) ۾ وڃڻ سبب عام طور تي ساه جا انفيڪشن ٿي پون ٿا. تخشيص لاءِ اينڊواسڪوپيءَ (endoscopy) دوران بايوپسي (biopsy) ڪجي ٿي. بيريم سوالو (ڏسو، bari- um X-ray examinations)، سي ٽي اسڪيننگ (CT scanning) ۽ ايم آر آءِ (MRI) رستي ڪينسر جي حالت جو اندازو لڳائي سگهجي ٿو. ڪن حالتن ۾ ممڪن ٿئي ٿو ته لڪي خارج ڪري ڇڏجي. نه ته فوٽوڊائنامڪ ٿراپيءَ (photodynamic therapy) استعمال ڪري يا ته ڳوڙھي ناس ڪري يا سسائي سگهجي ٿي. جنھن لاءِ روشنيءَ لاءِ حساس ھڪ دوا ھڻجي، اينڊواسڪوپ جنھن سان ليزر لڳل ھجي ٿو ليزر جي روشني استعمال ڪندي دوا کي موثر ڪجي ٿو ته اھا ٽيومر کي ناس ڪري ڇڏي ٿي. ريڊيوٿراپي (radiotherapy) سان ڪينسر اٿلي سگهي ٿي، تڪليفون ختم ٿي وڃن ٿيون ۽ ورلي ڪو پراڻن مريضن کي جيڪي ممڪن آھي ته وڏي آپريشن مان بچي نه سگهن تن کي ڇٽائي ٿي. ڳوڙھي ۾ ڪنھن نھري نلڪي يا ليزر علاج رستي ان کي ساڙڻ سان تڪليفون ختم ٿي وڃن ٿيون ۽ کاڌي ۾ بھتري اچي سگهي ٿي. جيتوڻيڪ مجموعي صورتحال سٺي نٿي ٿئي تنھن ھوندي اوائلي تشخيص سان بھتري ٿي سگهي ٿي.