Worm infestation

وَرم ـ ان.في.سٽي.شن

ڪيترن قسمن جا ڪينئان يا انھن جا ٻچا پئراسائيٽن جي صورت ۾ انسانن سان گڏ انھن جي آنڊن، رت، لمفي سرشتي، پت نلين يا ٻين عضون جھڙوڪ: جيري ۾ رھن ٿا. ڪيترين حالتن ۾ اھي مڙيوئي يا نه جھڙيون تڪليفون پيدا ڪن ٿا ته ڪي گنڀير بيماريون پيدا ڪري وجهن ٿا. اھڙن پئراسائيٽن جا ٻه قسم/ ڪلاس ٿين ٿا: 1. رائونڊورم (roundwormw، گول ڪينئان) ۽ 2. پليٽِيھيلمنٿس (platyhelminths، چپٿرا ڪينئان) جن جي وڌيڪ سسٽوڊن (tapeworms/cestodes) ۽ ٽريموٽدن (trematodes/flukes) ۾ ورھاست ڪجي ٿي. اسرندڙ دنيا جي ملڪن ۾ ڪينئن جي ٿيندڙ بيمارين ۾ ٿريڊورم (threadworm)، ايسڪيرياسس (ascariasis)، ٽوڪسو ڪيرياسس (toxocariasis)، ريج/ لِورفلوڪ (liver-fluke) ۽ ڪيترن قسمن جي ٽيپ ورمن جون بيماريون ٿين ٿيون. استوائي ملڪن ۾ ٿيندڙن ۾ ھُڪ ورم (hookworm)، فِليرياسس (filariasis)، وارو/ گِني ورم (Guinea worm) ۽ شِسٽوسومياسِس (schistosomiasis) ته وِپورم سڄيءَ دنيا ۾ ۽ گهڻو عام استوائي ملڪن ۾ ٿئي ٿو. ڪينئن جون بيماريون ڪيترن طريقن سان پکڙجي سگهن ٿيون جھڙوڪ: کاڌو اڻپورو رڌڻ، بيمار گوشت کائڻ، اھڙيءَ مٽيءَ يا پاڻيءَ سان لاڳاپي ۾ اچڻ جيڪو ڪينئن جي ٻچن سبب غليظ ٿيل ھجي يا اتفاق سان ڪينئن جا آنا کائي وڃڻ جيڪي متاثر ڪرفتيءَ رستي پھتا ھجن. ڪينئن جي ڪيترين بيمارين کي اينٿِيلمنٽڪ دوائن رستي سولائيءَ سان ختم ڪري سگهجي ٿو.