Weight reduction

ويٽ ـ رڊڪشن

جسم جي واڌو چرٻي ختم ڪرڻ. ڪو به حد کان وڌيڪ وزن وارو فرد (ڏسو، hypertension) ڪيترين بيمارين جھڙوڪ: ڊائبٽيز ميلائيٽس (diabetes mellitus)، ھائپرٽينشن (hypertension) ۽ دل جي بيماري ٿيڻ جي گهڻي خطري ۾ رھي ٿو. وزن گهٽائڻ جو وڌ ۾ وڌ اثرائتو طريقو روزانو جسم جي توانائيءَ جي جملي گهرج کان 500 ـ 1000 ڪلو ڪيلريون (kcal) (2,100–4,200 kJ) گهٽ کائڻ ٿئي ٿو. ڪسرت به وزن گهٽائڻ ۾ انتھائي اھم ٿئي ٿي جنھن سان نه رڳو واڌو توانائي ضايع ٿي وڃي ٿي ته مشڪون به سگهاريون ٿين ٿيون. ڪيترين حالتن ۾ دوائن جو وزن گهٽائڻ ۾ مڙيوئي اثر ٿئي ٿو. جڏھن ته ڪن فردن لاءِ جن جي بي ايم آءِ (ڏسو، body mass index) گهڻي ھجي ٿي خاص طور تي جڏھن کين صحت جا ٻيا خطرا به ھجن جھڙوڪ: ڊائبيٽيز ميلائيٽس (diabetes mellitus) يا بلڊ ڪولسٽرال وڌيل ھجي تن لاءِ کاڌي گهٽائڻ لاءِ آرلسٽئٽ (orlistat) دوا ڪارائتي ٿي سگهي ٿي، جڏھن ته سرجريءَ لاءِ تڏھن ويچارجي ٿو جڏھن ڪنھن فرد جي صحت واقعي گهڻي وزن سبب خطري ۾ ھجي ٿي.