Vasculitis

ويس.ڪيو.لاءِ.ٽس

رت نلين جي سوزش، عام طور تي ويسڪيولائٽس سبب نلين جو استر تباه ٿي انھن جي پيٽ کي سوڙھو ڪري يا ٻنجي ڇڏي ٿو جنھن سبب رت جو وھڪرو گهٽ يا محدود ٿي وڃي ٿو. نتيجي ۾ جسم جا رت نلين سبب متاثر ٿيندڙ حصا اِسڪيمِڪ (ischaemia) سبب ناقص يا تباه ٿي وڃن ٿا. سمجهيو وڃي ٿو ته ڪيترين حالتن ۾ ويسڪيولائٽس جي پيدا ٿيڻ جو ڪارڻ رت ۾ گردش ڪندڙ ھڪڙا سنھڙا جسم ٿين ٿا جن کي اِميون ڪامپليڪسس (immune complexes) سڏجي ٿو. عام طور تي اِميون ڪامپليڪسس (منجهن اينٽيباڊيون ٿين) کي رت جا اڇا سيل ناس ڪري ڇڏين ٿا پر ورلي رت نلين جي استر سان چنبڙي اتي سوزش پيدا ڪري وجهن ٿا. ڪن حالتن ۾ اينٽيجينون وائرس ٿين ٿيون. ويسڪيولائٽس ڪيترين ناقص حالتن ۾ پيدا ٿي پوي ٿي جن ۾ شامل ٿين ٿيون پوليئارٽيرائيٽس نوڊوسا (polyarteritis nodosa)، ارِڌميا نوڊوسم (erythema nodosum)، ھينوڪ ـ شونلين پرپورا (Henoch–Schönlein purpura)، سيرم سڪنيس (serum sickness)، ٽيمپورل آرٽيرائيٽس (temporal arteritis)، سسٽمڪ لُوپس ارڌميٽوسس (systemic lupus erythematosus) ۽ برگرس ڊزيز (Buerger’s disease). ورلي ڪن قسمن جي ڪيميائي مادن ۽ دوائن سبب به ٿي پوي ٿي.