Vaginal bleeding

وي.جاءِ.نل ـ بِلي.ڊنگ

گرڀ ناليءَ جي رتھير ڳڀيرڻ (uterus)، ڳھڻ (cervix) يا گرڀ ناليءَ (vagina) مان به خارج ٿي سگهي ٿي. رتھير ٿيڻ جو گهڻو عام ذريعو ڳڀيرڻ ۽ گهڻو ممڪن ڪارڻ ماھواري (menstruation) ٿئي ٿي. عام طور تي سامائجڻ کان سنڍجڻ تائين ماھواري باقاعدي وقفي وقفي سان ايندي رھي ٿي. جڏھن ته رتھير جي خارج ٿيڻ يا وقت سان مسئلا پيدا ٿي سگهن ٿا (ڏسو، menstruation, disorders of). ماھواريءَ کانسواءِ ڳڀيرڻ مان ٿيندڙ رتھير جا مختلف ڪارڻ ٿي سگهن ٿا. ھارموني دوائون جھڙوڪ: حمل روڪ (contraceptives) گورين سبب چُٽا ٿي سگهن ٿا. ٻين ممڪن ڪارڻن ۾ اينڊوميٽرياٽس (endometritis)، اينڊوميٽريم جي ڪينسر ۽ فائبُروائڊ (fibroids) ٿي سگهن ٿا. حمل ٿيڻ جي شروعاتي ڏينھن ۾ ٿيندڙ رتھير ڇڪيءَ اچڻ جي خطري جي نشاني ته اڳتي ھلي پليسينٽا پريوييا (placenta praevia) يا پليسنٽل اَبرپشن (placental abruption) جو اشارو ٿي سگهي ٿو (ڏسو، antepartum haemorrhage). ڳھڻ مان ٿيندڙ رتھير جو ممڪن ڪارڻ ھمبستريءَ کانپوءِ سروائيڪل اِڪٽوپي (cervical ectopy) ٿي سگهي ٿي. سرويسائيٽس (cervicitis) ۽ نڪرا (polyps) به رتھير جو ڪارڻ ٿي سگهن ٿا. ان کان گهڻي سنگين ڳالهه ته رتھير ڳھڻ جي ڪينسر جي نشاني سگهي ٿي (ڏسو، cervix, cancer of). گرڀ ناليءَ مان ٿيندڙ رتھير جو ھڪ ممڪن ڪارڻ جماع دوران پھچندڙ زخم خاص طور تي سنڍجڻ کانپوءِ ٿئي ٿو جڏھن گرڀ ناليءَ جون ڀتيون سنھڙيون ۽ وڌيڪ حساس ٿي پون ٿيون. ورلي، شديد ويجائينيٽس (vaginitis) به رتھير پيدا ڪري سگهي ٿي. ورلي، يونيءَ جي ڪينسر سبب گرڀ ناليءَ جي رتھير ٿي پوي ٿي.