Urodynamics

يورو.ڊائنامڪس

ڪن قسمن جون تپاسون جن رستي مثاني جي مسئلن جھڙوڪ: پيشاب جهلي نه سگهڻ (incontinence)، يوروڊائنامڪ اميجنگ لاءِ پيشاب نليءَ (urethra)، مثاني (bladder) ۽ مقعد (rectum) يا گرڀ ناليءَ (vagina) ۾ ڪيٿيٽر (catheters) وجهي انھن جي ڀرجڻ ۽ خالي ٿيڻ دوران پوندڙ دٻاءَ جا اثر ڏٺا وڃن ٿا. ڪيٿيٽر رستي مثاني ۾ پاڻيٺ اماڻجي ٿي ته ڪيٿيٽر تي لڳل ھڪ سينسر مثاني جي ڀرجڻ دوران ان جو اندريون دٻاءُ ماپيندو رھي ٿو. مقعد يا گرڀ ناليءَ واري ڪيٿيٽر ۾ لڳل سينسر پيٽ جو پريشر ماپي ٿو. جڏھن مثانو ڀرجي وڃي ٿو ته مريض کي منجهس ڪيٿيٽر پيل ھوندي اھو خالي ڪرڻ لاءِ چئجي ٿو ته جيئن مثاني جي خالي ٿيندي ان جو دٻاءُ جاچي سگهجي. جڏھن مثانو خالي ٿي وڃي ٿو ته ڪيٿيٽر به ڪڍي ڇڏجن ٿا. عام طور تي ان سڄي عمل جي مختلف مرحلن دوران الٽراسائونڊ به ڪڍيا وڃن ٿا ته جيئن مثاني ۾ موجود پيشاب جي مقدار جو اندازو لڳائي سگهجي. مريض کي کنگهڻ لاءِ يا مشقون ڪرڻ لاءِ به چئي سگهجي ٿو ته جيئن اھي پنھنجيون مخصوص تڪليفون ڏيکاري سگهن.