Urinary tract infection

يوري.نري ـ ٽريڪٽ ـ انفيڪشن

پيشاب لنگهه ۾ ڪنھن ھنڌ به ٿيندڙ ڪو انفيڪشن. ان جو ن مختلف نشانيون/ تڪليفون پيدا ٿين ٿيون جن جو مدار متاثر ٿيندڙ حصي تي ٿئي ٿو. يوريٿرائيٽس (urethritis) ھجڻ جي حالت ۾ پيشاب ڪرڻ سان ساڙو ٿئي ٿو. سِسٽائيٽس (cystitis) سبب ھر ھر پيشاب ڪرڻ جي خواھش، پيٽ جي ھيٺين حصي ۾ سور، مُٽھير (haematuria، پيشاب ۾ رت اچڻ) ۽ گهڻي ڀاڱي عام بيمار ۽ ھلڪي بخار ھجڻ جو احساس ٿي پوي ٿو. پائلونيفرائيٽس (pyelonephritis) سبب بخار ۽ پٺيءَ ۾ پاسرين ھيٺان سور پوي ٿو. سِسٽائيٽس ۽ پائلونيفرائٽس سدائين بئڪٽيريائي انفيڪشن سبب ٿي پون ٿا.يوريٿرائيٽس عام طور تي جنسي وچڙندڙ بيماريءَ جھڙوڪ: پرميل سبب ته ان جا ٻيا به ڪارڻ ٿي سگهن ٿا. پيشاب نليءَ جا انفيڪشن مردن ۾ گهڻا ٿين ٿا. جڏھن ته مردن ۾ عام طور تي پراسٽيٽ غدود جي وڌي وڃڻ جو لاڙو موجود (ڏسو،prostate, enlarged) ته عورتن ۾ حمل جي خطري جو عنصر ٿئي ٿو. ٻنھي صنفن ۾ پيشاب لنگهه جي انفيڪشنن ٿيڻ جي ڪارڻن ۾ پٿريون (ڏسو، calculus, urinary tract) مثاني جون ڳوڙھيون (bladder tumours)، پيشاب لنگهه جا پيدائشي نقص يا اسپينا بفيڊا (spina bifida) يا ڪرنگهي جي ڪنھن ضرب (spinal injury) سبب مثاني جو ناقص طريقي سان خالي ٿيڻ ٿين ٿا. يوريٿرائيٽس سبب اڳتي ھلي پيشاب نليءَ جي ٻنج/ ڳت (urethral stricture) پيدا ٿي سگهي ٿي. عام طور تي سِسٽائيٽس تڏھن پيچيدگيون پيدا ڪري ٿي جڏھن انفيڪشن گردن ڏانھن وگهري وڃي ٿو. جيڪڏھن پائلونيفرائٽس جو علاج نه ڪجي ته دائمي طور تي بڪيون تباه، سيپٽِيسيميا (septicaemia) ۽ سيپٽڪ شاڪ (septic shock) پيدا ڪري سگهي ٿو. اھڙي ڪنھن انفيڪشن جي سڃاڻپ، پيشاب جي ڪلچر (culture) رستي ڪجي ٿي. وڌيڪ چڪاس اِميجنگ ٽيڪنيڪ (imaging techniques) رستي يا سِسٽواسڪوپي (cystoscopy) ڪرڻ به ضروري ٿي پوي ٿي. پيشاب لنگهه جي ڪيترن انفيڪشنن جو علاج انٽيبِياٽڪ (antibiotics) دوائن رستي ڪجي ٿو.