Urinary diversion

يوري.نري ـ ڊائورشن

تڏھن پيشاب خارج ڪرڻ جڏھن جراحيءَ جي ڪنھن طريقي (عارضي يا دائمي) رستي پيشاب لنگهه مان مثاني ۽ پيشاب نليءَ رستي پيشاب خارج ٿيڻ جو رستو بند ٿي ويو ھجي يا مثاني کي آپريشن رستي نيڪال ڪيو ويو ھجي. ورلي، پيشاب جو عارضي طور تي لنگهه تڏھن ڦيرايو وڃي ٿو جڏھن پراسٽيٽ (prostate) غدود جي وڌي وڃڻ يا پيشاب نليءَ جي ڳُت سبب پيشاب بند ٿي ويو ھجي. تڏھن ھڪ ننڍڙي سوراخ رستي ھڪ نلڪي سڌي سنئين مثاني تائين پھچائي وڃي ٿي (ڏسو، catheterization, urinary). عارضي طور تي پيشاب جي لنگهه ڦيرائڻ جي تڏھن پڻ ضرورت پوي ٿي جڏھن پيشاب لنگهه جون آپريشنون ڪيون وڃن ٿيون تڏھن ھڪ ننڍڙي نلڪي گردي ۾ اماڻي ان جو منھن پيٽ جي مٿاڇري تي ڇڏي ڏجي ٿو. ايئن دائمي طور تي تڏھن ڪجي ٿو جڏھن آپريشن رستي مثانو خارج ڪري ڇڏجي ٿو، مثاني تي اعصابي طور تي ڪنٽرول ڪري سگهڻ سخت متاثر ٿئي ٿو جھڙوڪ: مغزي ڏوريءَ کي سخت ڇيھي پھچڻ کانپوءِ يا ڪنھن عورت مريضه جي حالت ۾ سندس مثاني يا پيشاب نليءَ يا پيشاب نليءَ ۽ سندس گرڀ ناليءَ وچ ۾ ھڪ اھڙي نواسير جو ھجڻ جيڪو درست ٿيڻ لائق نه ھجي. اھڙيءَ حالت ۾ اِليئم (ileum) جو ھڪ ٽڪرو ڪٽي ان جو نعم البدل مثانو جوڙي ھڪ ڇيڙي سان گردن جون نليون جوڙي ڇڏجن ٿيون. نعم البدل مثاني جي ٻئي ڇيڙي کي ٽڪو ڏئي پيٽ کان ٻاھر ڪڍي ڇڏجي ٿو. مريض پنھنجيءَ چمڙيءَ سان ٻڌل ھڪ ڳوٿريءَ رستي پيشاب گڏ ڪري ٿو.