Ulcer-healing drugs

ال.سر ـ ھيلنگ ـ ڊرگس

اھڙيون دوائن جيڪي پيپٽِڪ السرن (peptic ulcers) جي علاج يا بچاءَ لاءِ استعمال ڪجن. ھيليڪوبيڪٽر پائلوري (Helicobacter pylori) سبب ٿيندڙ بيماري جو اينٽيبِياٽڪ (antibiotics) دوائن رستي علاج ۽ ھڪ اھڙي دوا جنھن رستي تيزاب جي پيداور گهٽائي سگهجي ھاڻ پيپٽڪ السر جو ترجيحي علاج سمجهيو وڃي ٿو. السر ڇٽائيندڙ دوائون ڪيترن طريقن سان ڪم ڪن ٿيون. انھن جا ايڇ2 رسپٽر اينٽاگونسٽ ھسٽامن جي اثر کي ٻنجيندي، جنھن سبب معدي ۾ تيزاب جي پيداوار گهٽائيندي السرن جي ڇٽڻ کي تيز ڪري ٿي. اينٽاسڊ (antacid) دوائن جو باقاعدگيءَ سان استعمال ڊيوڊينل السرن جي ڇٽائڻ ۾ اثرائتو ٿي سگهي ٿو. ڇاڪاڻ ته، اھي دوائون واڌو تيزابيت کي بي اثر ڪري ڇڏين ٿيون. ميسوپروسٽول (misoprostol) ۽ پروٽون پمپ انھبيٽر (proton pump inhibitors) جھڙوڪ: اوميپرازول (omeprazole) تيزاب جي پيداوار گهٽائڻ سان اثرائتا ثابت ٿين ٿيون. السر ڇٽائيندڙ ٻيون دوائون جھڙوڪ: سڪرالفيٽ (sucralfate) لاءِ سمجهيو وڃي ٿو ته اھي السر جي مٿان بچاءَ جو ھڪ تھه پيدا ڪري ھيٺان واري ماس/ ٽشوئن جي ڇٽائڻ ۾ مدد ڪن ٿيون.