Transient ischaemic attack/TIA

ٽران.شينٽ ـ اسڪيمڪ ـ اٽئڪ/ ٽي آءِ اي

مختصر عرصي لاءِ دماغ ڏانھن رت جي رسد ۾ خلل پوڻ سبب ديد، نظر، ڳالهائڻ، حس يا چرپر ۾ عارضي خلل پوڻ جيڪو عام طور تي ڪجهه منٽن يا ڪجهه ڪلاڪن تائين ھلي سگهي ٿو ۽ تڪليفون 24 ڪلاڪن اندر مڪمل طور تي ختم ٿي وڃن ٿيون. ورلي، ٽي آءِ اَي کي مني اسٽروڪَ (mini strokes) سڏجي ٿو ۽ انھن کي اسٽروڪ سمجهي سگهجي ٿو. ٽي آءِ اي رت جي ڪنھن دڳ (ڏسو، embolism) سبب پيدا ٿي دماغ کي رت مھيا ڪندڙ شريان جي ٻنج يا اَٿيرواسڪليروسس (atherosclerosis) سبب ڪنھن شريان جي سوڙھي ٿيڻ سان پيدا ٿي سگهي ٿو. ٽي آءِ اَي جي حالت ۾ ڪن تپاسن جھڙوڪ: رت جي تپاسن (blood tests)، سي ٽي اسڪيننگ (CT scanning)، ايم آر آءِ (MRI)، الٽراسائونڊ اسڪيننگ (ultrasound scanning)، اِڪوڪارڊيوگرافي (echocardiography)، اليڪٽروڪارڊيوگرافي (electrocardiography) ۽ اينجيوگرافي (angiography) رستي اصل ڪارڻ جي ڄاڻ رکڻ ضروري ٿي پوي ٿي. علاج جو مدار اسٽروڪ جا اپاءَ وٺڻ تي ٿئي ٿو جيڪو 1 سال اندر 10 سيڪڙو مريضن کي ٿي سگهي ٿو. علاج ۾ شامل ٿين ٿا اينڊاٽيريڪٽومي (endarterectomy)، اينٽي ڪوآگيولنٽ (anticoagulant) يا ايسپرِن (aspirin) دوائون. ڪنھن به خطري واري پھلوءَ جھڙوڪ: ھائپرٽينشن (hypertension) ۽ ھاءِ بلڊ ڪولسٽيرال جو علاج ڪرڻ ضروري ٿي پوي ٿو. تماڪ کان پرھيز ڪرڻ لازمي ٿئي ٿي.