Toxoplasmosis

ٽاڪ.سو.پلاز.مو.سس

ھڪ پروٽوزوئن نالي، ٽوڪسوپلازما گونڊي (Toxoplasma gondii) سبب ٿي پوندڙ انفيڪشن جيڪو عام طور تي ڪنھن بيمار جانور جي اڻپوري رڌل گوشت کائڻ، بيمار ٻلين جي ڪرفتي سان لاڳاپي ۾ اچڻ سبب ٿي پوي ٿو. ڪيترين حالتن ۾ ان جون نشانيون پيدا نٿيون ٿين. جڏھن ته ورلي بخار جھڙي، مونونيوڪليوئوسس (mononucleosis) سان مشابھت رکندڙ اَگهائپ پيدا ٿي پوي ٿي. ريٽينائيٽس (retinitis) ۽ ڪوروڊائيٽس (choroiditis) به پيدا ٿي سگهن ٿيون. جن فردن ۾ اِميونوڊيفيشنسي جو نقص ٿئي ٿو تن ۾ ٽوڪسوپلازموسس (toxoplasmosis) سبب ڦڦڙ ۽ دل ناقص ۽ شديد اِنسيفيلائيٽس (encephalitis) ٿي سگهي ٿي. ڪنھن حامله عورت جي ٽوڪسوپلازموسس ۾ مبتلا ٿيڻ سبب اٽڪل ٽيڻ تي ٻار ۾ بيماري منتقل ٿيڻ جا امڪان ٿي سگهن ٿا. اھو به ممڪن ٿي سگهي ٿو ته کيس ڇڪي اچي (miscarriage) يا مئل ٻار (stillbirth) ڄمي يا ٻار جو جيرو ۽ تري وڌيل ھجي، نابين ھجي، ھائڊروسيفيلس، سکڻ جون تڪليفون پيدا ٿين يا ٻالڪپڻي ۾ ئي فوت ٿي سگهي ٿو. عام طور تي حمل جي پوئين ڏينھن ۾ انفيڪشن جا خراب اثر پيدا نٿا ٿين. بيماريءَ جي تشخيص، رت جي تپاسن رستي ڪجي ٿي. علاج (pyrimethamine يا ڪنھن sulphonamide) رڳو حامله عورتن، شديد تڪليف وارن ٻارن ۽ ناقص اِميون سسٽم وارن فردن ۽ ريٽينائيٽس (retinitis) يا ڪوروڊائيٽس (choroiditis) جي حالت ۾ ڪجي ٿو.