Thrombocytopenia

ٿرام.بو.ساءِ.ٽو.پي.نيا

رت ۾ پليٽيليٽس (platelets) جي تعداد ۾ گهٽتائي جنھن جي نتيجي ۾ رت وھڻ جو لاڙو وڌي وڃي ٿو. ورلي، ٿرامبوسائٽوپينڪ پرپيورا (thrombocytopenic purpura، چمڙيءَ جي غيرمعمولي رتھير) به ٿي پوي ٿي. جنھن جو ڪارڻ يا ته پليٽيليٽن جي ٺھڻ جي رفتار گهٽ ھجي ٿي يا تباه ٿيڻ جي گهڻي. ٿرامبوسائٽوپينيا ليوڪيميا (leukaemia)، لمفوميا (lymphoma)، سسٽَيمڪ لُوپس اَرٿيميٽوسس (systemic lupus erythematosus)، ايڇ آءِ وي انفيڪشن (HIV infection)، ميگالوبلاسٽڪ اَنيمِيا (megaloblastic anaemia) يا ھائپراِسپلينزم (hypersplenism) جي نشاني ٿي سگهي ٿي. ان جو ٻيو ڪارڻ شعاعن (radiation)، حد کان وڌيڪ الڪوحل پيئڻ يا گهڻي عام طور تي، سفارش ڪيل دوائن جھڙوڪ: ٿايازائيڊ ڊائيوريٽڪ (thiazide diuretic) جو اگرو ردعمل پيدا ٿيڻ ٿئي ٿو. اڊيوپيٿڪ ٿرامبوسائٽوپينڪ پرپيورا (thrombocytopenic purpura/ITP) ان جو اڻ ڄاتل ڪارڻ پر آٽواِميون نقص ٿي سگهي ٿو. ٿرامبوسائٽوپينيا جي بلڊ ڪائونٽ (blood count) رستي پڪ ڪري سگهجي ٿي ته ھڏي جي مک جي تپاس به ڪري سگهجي ٿي. ممڪن ٿي سگهي ته اصلي ڪارڻ جو علاج ڪجي ٿو. آءِ ٽي پي وارن ٻارن جو علاج نه به ڪري سگهجي ٿو جڏھن ته عام طور تي بالغن کي ڪورٽيڪوسٽيروائڊ (corticosteroid) دوائون ڏئي سگهجن ٿيون. ڪن شديد رتھير واريءَ حالت ۾ پليٽيليٽس ھڻائي سگهجن ٿيون. دائمي رھندڙ ٿرامبوسائٽوپينيا جي علاج لاءِ تري ڪڍرائي (splenectomy) سگهجي ٿي.