هيگل ۽ ڪانٽ کان متاثر هي آزاد خيال مفڪر 1836ع ۾ ڄائو ۽ 1882ع ۾ مري ويو.هن مفڪر جي خيال مطابق رياست هڪ قدرتي ادارو آهي، جيڪا رباني روح جو زنده شاهڪار آهي. اها فرد جي بقا ۽ زندگي لاءِ ضروري آهي. انساني شعور رياست جو بنياد ۽ ارادو ڪامياب رياست جو جز آهي.گرين جي خيال مطابق عام ماڻهوءَ جي ڀلائي لاءِ گهربل ۽ مڃيل طاقت جو نالو حق آهي. حق ازلي نه هوندا آهن. حق ۽ فرض هڪ ٻئي لاءِ لازمي آهن. آزادي جي حاصلات جو مقصد رڳو فرد جي آزادي بدران سموري سماج جي آزادي هوندي آهي. ڪرڻ لائق ڪم جو ٻيو نالو آزادي آهي.سندس خيال ۾ حق ۽ فرض جو نالو قانون آهي جنهن کي حڪومت رياست ۾ نافذ ڪري ٿي. هي سزا جي اصلاحي نظريي جو حامي آهي. هن هيٺيان ڪتاب لکيا آهن.(1) Prolegomena to Ethics 1883. (2) Lectures on English evolution. (3) Principles of Political Obligations. (4) Liberal Legislations and Freedom of Contract.