Testicular feminization syndrome

ٽيس.ٽِي. ڪيولرـ فيمينائيزيشن ـ سن.ڊروم

ھڪ ورلي ٿيندڙ موروثي مسئلو جنھن ۾ جينياتي طور تي مرد جي اندرين خصين جو ٻاھريون ڏيک ڪنھن عورت جھڙو ھجي ٿو. ھي سنڊروم انٽرسيڪس (intersex، جڏھن ڪو فرد نر ۽ مادي خاصيتن سان پيدا ٿئي ٿو) جو ھڪ نمونو ٿئي ٿو ۽ مرداني سوڊوھرمافروڊائٽزم (pseudohermaphroditism) جو گهڻو عام قسم ٿئي ٿو. ان جو ڪارڻ جسم جي ٽشوئن جي ٽيسٽوسٽيرون لاءِ ناقص موٽ ھجي ٿي. جن جون ذميوار جينون ايڪس ڪروموسوم (X chromosome) رستي منتقل ٿين ٿيون ان سبب عورتون ان جون باري (carriers) ٿين ٿيون. متاثر فرد سڄي ٻالڪپڻي دوران ڇوڪريون ڏسڻ ۾ اچن ٿا ۽ ڪيترن ۾ سامائجڻ سان عورتن جون ثانوي جنسي خاصيتون پيدا ٿين ٿيون پر ماھواري نٿي اچي جنھن جي عام طور تي تشخيص، تپاس ڪرڻ سان پوي ٿي. ڪروموسومن جي چڪاس مان مردن جي ڪروموسومن ۽ رت جي تپاسن مان ٽيسٽوسٽيرون جي مرداني سطح ھجڻ جي ڄاڻ پوي ٿي. ٽيسٽيڪيولر فيمينائيزيشن سنڊروم جي علاج لاءِ آپريشن رستي خصيا خارج ڪرڻا پون ٿا ته جيئن زندگيءَ ۾ اڳتي ھلي انھن ۾ ڪينسري تبديليون پيدا ٿي نه سگهن ۽ ايسٽروجن ھارمون سان علاج ڪرڻو پوي ٿو. متاثر فرد ويجهه وارو نٿو ھجي/ ٻار پيدا ڪري نٿو سگهي پر ھڪ عام عورت جيان زندگي گذاري سگهي ٿو.