Systemic sclerosis

سِس.ٽَي.مِڪ ـ اِسڪليروسس

ھن اصطلاح کي اسڪليروڊرما (scleroderma) نالي سان به سڏجي ٿو، ورلي ٿيندڙ آٽواِميون جو نقص (autoimmune disorder) ٿئي ٿو جيڪو جسم جا ڪيترائي عضوا ۽ ٽشو خاص طور تي چمڙيءَ، شريانن، بڪين، ڦڦڙن، دل، گئسٽروانٽسٽائينل ٽريڪٽ ۽ سنڌن جا متاثر ڪري سگهي ٿو. تڪليفون ۽ انھن جي شدت مختلف ٿئي ٿي. انھن ۾ ھڪ گهڻي عام ريناڊس فنامينن (Raynaud’s phenomenon) ٿئي ٿي. ان کانسواءِ عام طور تي منھن ۽ آڱرين جي چمڙيءَ ۾ به خاص طور تي تبديليون اچن ٿيون جيڪي چمڪندڙ، سوٽ ۽ ٿلهيون ٿي وڃن ٿيون ۽ چورڻ سان تڪليف ٿئي ٿي. جسم جا ٻيا حصا به متاثر ٿي ڳِھڻ جي تڪليف، ساه جي لڪائي، دھڪو، ھاءِ بلڊ پريشر، سنڌن جو سور يا مشڪ جي ڪمزوري ٿي سگهي ٿي. عام طور تي پھرين ڪجهه سالن دوران اِسڪليروڊرما تيزيءَ سان واڌ ڪري پوءِ گهٽجي مورڳو بند به ٿي وڃي وڃي ٿي. ماڻھن جي ٿورائيءَ ۾ تيزي سان بگاڙ پيدا ٿي ھرٽ فيلؤر (heart failure)، ساه سرشتي جو فيل ٿيڻ (respiratory failure) يا گردن جو فيل (kidney failure) ٿيڻ ٿئي ٿو.