هڪ کان وڌيڪ مُلڪن جي تنظيم جنهن کي چٽيءَ طرح ڄاڻايل مامرا فيصلا ڪرڻ جي انهن ملڪن پاران بااختيار ’وڏ قومي‘ تنظيم هوندي. ڪنهن به هڪ رياست جي مُفادن کان مٿانهين قانون سازي، اختيار سازي ۽ فيصله سازيءَ جو اهڙو طريقيڪار، جيڪو گهڻين رياستن تي ٻڌل هُجي ۽ سڀني رياستن تي اثرانداز ٿيندي، ڪنهن به هڪ رياست جي خواهش يا اختيار کي حتمي نه سمجهي. عام طور تي اهو اختيار رضاڪارانه طرح هر رياست طرفان ڪنهن به تنظيم جو حصو ٿيڻ جي صورت ۾ ان تنظيم کي ڏنو ويندو آهي. اهڙيِءَ تنظيم جي اختيار جو دائرو ڪُجهه شعبن تائين طئه ٿيل يا محدود هوندو آهي. مثال طور، دفاع، واپار ۽ ڪاروبار جا معاملا. اهڙي تنظيم جو چٽو مثال يورپي يونين ۽ اُن جو ”گڏيل سياسي سرشتو“آهي، جيڪو يورپي رياستن جي رضامنديءَ سان مليل اختيار تحت لڳ ڀڳ سڄي يورپ جي حوالي سان فيصلا ڪري سگهي ٿو. اهڙي طرح هي هڪ اهڙو بندوبست آهي، جنهن تحت ڳانڍاپي واري لاڙي کي اڳتي وڌائيندي، مُختلف رياستون هڪ پلئٽفارم تي هڪٻئي سان سهڪارڪن ٿيون ۽ اهڙي سهڪار کي اداراتي مڃتا ڏيارين ٿيون