Stomach cancer

اسٽَ.مڪ ـ ڪينسر

معدي جي استر مان پيدا ٿيندڙ ھڪ ھاڃيڪار ڳوڙھي، جنھن جي اصل ڪارڻ جي ڄاڻ ڪونھي پر سمجهيو وڃي ٿو ته ھيليڪوبيڪٽر پائلوري (Helicobacter pylori) انفيڪشن ان جي وڌائڻ سان لاڳاپيل ٿئي ٿو. ان جا ٻيا ممڪن عنصر تماڪ ڇڪڻ، الڪوحل استعمال ڪرڻ، کاڌا خاص طور تي وڏي مقدار ۾ لوڻ يا آچار وارا کائڻ به ذميوار ٿي سگهن ٿا. پرنِيشس اَنيمِيا (Pernicious anaemia)، ڪنھن حد تائين گئسٽريڪٽومي (gastrectomy) ۽ رت جي اي (A) گروپ سان واسطو لڳي ٿو ته اھڙو خطرو وڌائي ڇڏين ٿا. معدي جي ڪينسر ورلي ڪو 40 سالن کان گهٽ عمر وارن فردن کي ٿي پوي ٿي ته مردن ۾ گهڻي عام ٿئي ٿي. ان جي نشانين ۾ شامل ٿي سگهن ٿيون وزن ۾ گهٽتائي، بک نه لڳڻ ۽ ڳھڻ ۾ تڪليف ٿيڻ. ان جون ٻيون نشانيون پيپٽڪ السر جھڙيون ٿي سگهن ٿيون. تشخيص لاءِ عام طور تي گئسٽرواسڪوپي ڪجي ٿي يا بيريم ايڪسري رستي. بايوپسي به ڪري سگهجي ٿي. ان جو رڳو اثرائتو علاج مڪمل گئسٽريڪٽومي ٿئي ٿي. ڪينسر جي وڌي ويل حالت ۾ جڏھن اھا وگهري وڃي ٿي تڏھن زندگي وڌائڻ لاءِ اينٽي ڪينسر دوائون ڏئي ۽ ريڊيوٿراپي (radiotherapy) ڪري سگهجي ٿي.