Short stature

شارٽ ـ اسٽيچر

جڏھن ڪو فرد پنھنجيءَ عمر جي لحاظ کان عام رواجي قد کان گهڻو ننڍو ھجي. عام طور تي ٻارڙن ۾ ننڍي قدبت ھجڻ جو ڪارڻ موروثي يا ھڏن جي آھستي ٿيندڙ واڌ ٿئي ٿو. اھڙين گهڻين حالتن ۾ آخرڪار تيز ٿي عام رواجي بالغن جي قد جيتري ٿي وڃي ٿي. ان جو گهڻو عام سبب ڪنھن مخصوص نقص سبب ٿئي ٿو جھڙوڪ: ھڏي جي بيماري (جھڙوڪ: ھڏڙِي rickets جو علاج نه ڪرائڻ يا اَڪونڊروپلاسيا achondroplasia) يا ڪي ھارموني نقص جھڙوڪ: گروٿ ھارمونن جي کوٽ ۽ ھائپوٿائروائڊزم (hypothyroidism). جذباتي محرومي، کاڌي جي گنڀير پوڻائي ۽ غذائي ناقص جذبيت (malabsorption) به واڌ ۾ رڪاوٽ ٿي سگهي ٿي. ڪن قسمن جا ڪروموسومن جا نقص بندرائپ جو ڪارڻ ٿين ٿا، بندرائپ ڊائونس سنڊروم (Down’s syndrome) ۾ به ٿي پوي ٿي ته ٽرنرس سنڊروم (Turner’s syndrome) ۾ بلوغت سبب ٿيندڙ واڌ ٿي نٿي سگهي. ٻارڙن ۾ واڌ نه ڪرڻ جا ٻيا ڪارڻ ڪورٽيڪوسٽيروائڊ (corticosteroids) ۽ ڪينسري دوائن جو ڊگهو استعمال ٿئي ٿو. ساه سرشتي جون ڪيتريون علاج نه ڪرايل ۽ پيدائشي دل جي بيماري به ننڍو ھڏڪاٺ پيدا ڪري سگهن ٿيون. ڪنھن متاثر ٻار جي واڌ جي لاڳيتو تڪ تور سندس باقاعدگيءَ سان قد ماپڻ رستي ڪبي رھجي ٿي. ايڪسري (X-rays) ۽ رت تپاسڻ (blood tests) سان اصلي ڪارڻ جي ڄاڻ رکي علاج ڪري سگهجي ٿو. گروٿ ھارمون جي کوٽ ھجي ته ان رستي ٽرنرس سنڊروم سبب ننڍي قد بت جو به علاج ڪري سگهجي ٿو (وڌيڪ ڏسو، growth, childhood).