Serum/blood serum

سي.رم/ بلڊسيرم

ڪنھن جانور يا ٻوٽي جي نھرن عنصرن کي الڳ ڪرڻ کانپوءِ باقي رھجي ويل صاف پاڻيٺ. جڏھن ته عام طور تي بلڊ سيرم مان مراد ان صاف، ڀوسي رنگي پاڻيٺي حصي جي ٿئي ٿي جنھن ۾ فائبرينوجن يا رت جا سيل موجود نٿا ٿين ۽ رت جي دڳجڻ کانپوءِ به پاڻيٺي رھي ٿي. جن فردن يا جانورن جي جسمن ۾ اينٽيباڊيون پيدا ٿيل ھجن ٿيون انھن کي اينٽيسيرم (antiserum) يا اِميون سيرم (immune serum) سڏجي ٿو. اھڙي ڪنھن اينٽيسيرم ھڻائڻ سان ان بيماريءَ خلاف عارضي يا پيسو اِميونٽي پيدا ٿئي ٿي جيڪا تڏھن ھڻائڻي پوي ٿي جڏھن اھڙو فرد اڳ ۾ ئي ان بيماريءَ ۾ متاثر ٿيل ھجي يا ٿيو ھجي. جن بيمارين لاءِ ورلي پيسِو اِميونائيزيشن ڪجي ٿي انھن ۾ خناق (diptheria)، ڪُزَاز (tetanus)، بوٽلزم (botulism) ۽ گئس گينگرين (gas gangrene) شامل ٿين ٿيون.