Salivary gland

سَي.لي.وري ـ گلئنڊ

پڪ جا غدود، جن جون ٽي جوڙيون پنھنجين نلين رستي وات ۾ پڪ (saliva) خارج ڪن ٿيون. انھن ۾ وڏا ۾ وڏا پيروٽڊ (parotid) غدود ڄاڙيءَ جي ھر پاسي کان، سبلِنگيوئل (sublingual) وات جي مھاڙين تري ۽ سب مينڊِيبيولر (submandibular) غدود وات جي پڇڙ ويجهو ٿين ٿا. عام طور تي پيروٽڊ غدود مليءَ (mumps) جي وائرس جو شڪار ي پون ٿا. ڪنھن به پڪ جي غدود يا نليءَ ۾ پٿري ٿي سگهي ٿي. وات جي سٺي صحت صفائي نه رکڻ سان بئڪٽيريائي انفيڪشن ٿي ورلي ڳڙه ۾ مٽجي وڃي ٿو. پڪ جي غدود جون ورلي ڪي ڳوڙھيون پيدا ٿين ٿيون سواءِ ھڪ قسم جي پيروٽڊ ڳوڙھيءَ جي جيڪا آھستي واڌ ڪندڙ، اَڪينسري (noncancerous) ۽ سور پيدا ڪندڙ نٿي ٿئي. پڪ اڻپوري مقدار ۾ پيدا ٿئي ته وات جي خشڪي (ڏسو، mouth, dry) ٿي پوي ٿي جيڪا سوڪھڙي (dehydration) يا سجوگرينس سنڊروم (Sjögren’s syndrome) يا ڪن دوائن جي اُگرن اثرن ڪري به ٿي سگهي ٿي.