گيم ٿيوري“ واري تصور مطابق هن اصطلاح کي ڪن به ٻن تڪراري ڌرين طرفان هڪٻئي خلاف رد عمل نه ڪرڻ يا اڳڀرائي نه ڪرڻ واري صورتحال کي بيان ڪرڻ لاءِ استعمال ڪيو ويندو آهي. هن صورتحال دوران هر ڪم معمول مطابق هلندو رهندو آهي ۽ انهيءَ ۾ ڪير به مداخلت نه ڪندو آهي. رياضي يا حسابن جي علم تحت ”سيڊل پوائنٽ“ کي گيم ٿيوريءَ ۾ بي لاڀ صورتحال (Zero-Sum) واري تصور سان ڀيٽ ڏني وڃي ٿي . يعني هن طرح جي صورتحال ۾ ڪنهن به بُحران ۾ ملوث هر ڌُر جنهن جڳهه تي موجود هوندي آهي، اُها ان جڳهه تي ئي رهندي ۽ ڪنهن به رُخ ۾ اڳ ڀرائي يا تبديلي نه ڪري سگهندي . پر جهيڙي يا جنگ جي دوران ”سيڊل پوائنٽ“ واري صورتحال تمام گهڻي خراب آهي. ڇاڪاڻ ته جهيڙي ۾ ملوث ٻه يا وڌيڪ ڌريون نه مثبت قدم کڻي سگهنديون آهن ۽ نه منفي، پر جهيڙي جي فضا جيئن جو تيئن برقرار رهندي آهي. غيرجانبدار ملڪ يا ادارا جيڪڏهن جهيڙي کي ٽارڻ جي ڪوشش ڪندا به آهن ته اهي ڪوششون ناڪام ٿي وينديون آهن، ڇو ته لاڳاپيل ڌُريون اڳتي قدم وڌائڻ لاءِ تيار نه هونديون آهن. اُهي ڌريون ”قومي توهين“ يا اهڙي قسم جا ٻيا عُذر ڳڻائي ، معاملي کي انا جو مسئلو بڻائي ڇڏينديون آهن. 1980ع جي ڏهاڪي ۾ ايران ۽ عراق جي وچ ۾ گڏيل ڊگهي جنگ اهڙي صورتحال جي ڀرپور عڪاسي ڪري ٿي. انهيءَ جنگ ۾ ٻنهي ڌُرين جنگبندي کانپوءِ هڪٻئي سان ڳالهه ٻولهه يا ڪنهن به قسم جي اڳڀرائي کان انڪار ڪري ڇڏيو