Reproductive system, male

ري.پرو.ڊڪ.ٽو ـ سسٽم ـ ميل

نر جي پيدائشي سرشتي ۾ شامل ٿين ٿا: تخمي جيو (sperm) ۽ جنسي ميلاپ (sexual intercourse). تخمي جيو ۽ مرداڻا جنسي ھارمون (اينڊروجن ھارمون) خصين ۾ پيدا ٿين ٿا جيڪي انڊڪوش (scrotum) ۾ لڙڪندا رھن ٿا. تخمي جيو، خصيي مان اپيڊيڊائيمس (epididymis) ۾ اچي رسجن ۽ ذخيرو ٿين ٿا. انزال ٿيڻ کان ستت اڳ ۾ تخمي جيو ھڪ نليءَ جنھن کي واس ڊفرينس (vas deferens) سڏجي پھچن ٿا جيڪا انھن کي ٻن سيمائينل ويزائيڪلن (seminal vesicles) ۾ پھچائي ٿي. انھن ڳوٿرين جو ڪم سيمائينل فلوڊ (seminal fluid) پيدا ڪرڻ ٿئي ٿو جنھن جي تخمي جيون سان ملڻ سان مني (semen) ٺھي پوي ٿي. مني ٻه نلين رستي پيشاب نليءَ (urethra) ڏانھن سفر ڪري ٿي. اھي نليون پراسٽيٽ (prostate) غدود مان گذرن ٿيون جيڪي رتوبتون پيدا ڪري منيءَ سان ملائي ڇڏين ٿيون. انزال وقت ، مني ٺڳيل آلت مان پيشاب نليءَ رستي خارج ٿي جماع وقت عورت جي گرڀ ناليءَ (vagina) ۾ ھلي وڃي ٿي.