Reiter’s syndrome

ريئيٽرس ـ سِن.ڊروم

ھڪ اھڙي بيماري جنھن ۾ يوريٿرائيٽس (urethritis)، ريئيڪٽِو آرٿرائيٽس (reactive arthritis) ۽ اکين جي اٿڻ (conjunctivitis) جون تڪليفون گڏ ٿين ٿيون. انھن سان گڏ يووِيئائيٽس (uveitis) به سگهي ٿي. ريئيٽرس سنڊروم مردن ۾ گهڻي عام ٿئي ٿي. ھن سنڊروم جو ڪارڻ اِميون رسپانس (immune response) ٿئي ٿو ۽ عام طور تي انھن فردن ۾ پيدا ٿي پوي ٿو جيڪي موروثي لحاظ کان ان لاءِ حساس ٿين ٿا. ڪيترن مريضن جا ٽشو ايڇ ايل اَي ـ بي 27قسم (HLA-B27) جا ٿين ٿا (ڏسو، histocompatability antigens). ھي سنڊروم ھڪ انفيڪشن عام طور تي نانِ ـ گونوڪوڪل يوريٿرائيٽس (nongonococcal urethritis) ۽ ورلي بيسيلري ڊِسينٽريءَ (bacillary dysentery) سبب زور وٺي ٿو. عام طور تي ريئيٽرس سنڊروم، يوريٿرل ڊسچارج سان شروع ٿئي ٿو ۽ پوءِ ڪنجنڪٽيوائيٽس ۽ آرٿرائيٽس سان. آرٿرائيٽس عام طور تي ھڪ يا ٻن سنڌن کي متاثر ڪري ٿو (گوڏي/مُري) ۽ ان سان گڏ گهڻي ڀاڱي بخار ۽ بيمار ٿي پئجي ٿو. حملا ڪيترن مھينن تائين ھلي سگهن ٿا. ٻنڌيون، جوٽا ۽ پيرن جي ترين جي ٽشوئن ۽ کڙِي به سوزشي ٿي سگهي ٿي. چمڙيءَ جا ڊٻڙ عام ٿين ٿا. تشخيص نشانين/ تڪليفن رستي ڪجي ٿي. اينلجيسڪ (analgesic)، ڪورٽيڪوسٽيروائڊ (corticosteroid) ۽ نان اسٽيروائڊل اينٽي انفليميٽري (nonsteroidal anti-inflammatory) دوائون تڪليفون ختم ڪن ٿيون پر ھڪ ڊگهي عرصي تائين کائڻيون پون ٿيون. 3 مان 1 ڪيس ۾ تڪليفون اٿلي پون ٿيون.