Rat-bite fever

Sodokosis

(رئٽ ـ بائيٽ ـ فيور/ سوڊوڪوسس) ڪوئن جھڙا ڪتريندڙ جانور انساني آبادين جي ويجهو رھن ٿا. فصلن ۽ اناج جي گدامن کي نقصان رسائين، غليظ ڪن ۽ بيماري پکيڙين ٿا. پليگ (plague) پيدا ڪندڙ جيوڙو ۽ ھڪ قسم جو ٽائيفس (typhus) ڪوئن جي ڪارڙن (fleas) رستي انسانن تائين پکڙجي ٿو. ليپٽواسِپائيروسس (leptospirosis) جي بيماري ڪنھن به اھڙيءَ شئي سان لاڳاپي ۾ اچڻ سبب پيدا ٿي سگهي ٿي جيڪا ڪوئن جي پيشاب سبب غليظ ٿيل ھجي. ڪوئي جي چڪ سبب ورلي بخار ٿئي ٿو جنھن جا ٻه قسم مختلف بئڪٽيريا سبب ٿي پون ٿا. انھن جي نشانين ۾ چڪ واري ھنڌ تي سوزش ۽ ويجهڙ وارا لمف نوڊ (lymph nodes) سڄي پون ۽ ڦلوڪڻا ٿي پون، بخار جا دورا پون ٿا، ڊٻڙ ٿي پوي ٿو ۽ ھڪ قسم ۾ سنڌ جي ڏکندڙ سوزش ٿي پوي ٿي. ٻنھي قسمن جو اينٽيبياٽڪ (antibiotics) دوائن سان علاج ڪجي ٿو. ھڙڪ (rabies) وائرس متاثر ڪوئي جي چڪ سبب پکڙجي سگهي ٿو. ڏکڻ آفريڪا ۾ لاسا فيور (Lassa fever) به ھڪ قسم جو وائرس ڪوئن جي پيشاب رستي پکڙجي سگهي ٿو. ان کانسواِءِ ڪوئن رستي وائرسي بيماري لمفوسائيٽڪ ڪوريومينِنجائيٽس (lymphocytic choriomeningitis) توڙي بئڪٽيريائي تولارامييا (tularaemia) روڳ به ٿي سگهي ٿو.