Psychosis

ساءِ.ڪو.سس

ھڪ شديد ذھني بيماري جنھن سبب اھڙي فرد جو حقيقت سان لاڳاپو ٽٽي وڃي ٿو. سائڪوسس جي ٽن مکيو قسمن جي سڃاڻپ ڪئي ويئي آھي جيڪي آھن: اسڪيزوفرينيا (schizophrenia)، بائِپولر ڊسئارڊر (bipolar disorder) ۽ آرگينڪ برين سِنڊروم (organic brain syndrome) ڏسو، brain syndrome, organic. سائيڪوٽڪ بيمارين جي ھڪ خاص ڳالهه اھا ٿئي ٿي ته ان سبب اھڙي فرد جو زندگيءَ جي باري ۾ بگڙيل رويو رھي ٿو. ان جي نشانين ۾ شامل ٿين ٿيون وھم (delusions)، سوداءَ (hallucinations)، ٿاٽ ڊسئارڊرس (thought disorders)، لاس آف افيڪٽ (loss of affect) جنون (mania) ۽ مايوسي (depression). گهڻو ممڪن ٿئي ٿو ته ان جو ڪارڻ دماغ جي ڪم جو ڪو خلل ھجي. عام طور تي تڪليفن کي ضابطي ۾ رکڻ ۾ اينٽي سائيڪوٽڪ دوائون اثرائتيون ٿين ٿيون. جڏھن ته عام طور تي ڊگهي عرصي لاءِ علاج، بحالي ۽ سھائتا جي گهرج ٿئي ٿي.