Prostate cancer of

پراسٽيٽ ـ ڪينسر

پراسٽيٽ غدود (prostate gland) جي ڪينسري واڌ جنھن جي ڪارڻ جي ڄاڻ ڪونھي. مردن کي ٿي پوندڙ گهڻي عام ڪينسر گهڻي ڀاڱي پيرسن مردن کي ٿي پوي ٿي. وڌي ويل پراسٽيٽ (ڏسو، prostate, en larged) ڪيتريون تڪليفون پيدا ڪري سگهي ٿي جن ۾ پيشاب شروع ڪرڻ ۾ تڪليف، پيشاب جي ڪمزور ڌار، پيشاب ۾ رت اچڻ ۽ ھر ھر پيشاب ڪرڻ. اھو به ممڪن ٿي سگهي ٿو ته پيشاب جو وھڻ بلڪل بند ٿي وڃي. جڏھن پيشاب جون ڪي به تڪليفون موجود نٿيون ھجن تڏھن ثانوي ڪينسرن ھجڻ سبب پھرين نشاني ھڏن ۾ سور ٿي سگهي ٿو. تپاسن لاءِ رت ۾ ھڪ پروٽين جنھن کي پراسٽيٽ اسِپيسفڪ اينٽيجين (prostate specific antigen) سڏجي ان جي سطح جاچجي ٿي جيڪڏھن ڪنھن معياري سطح کان وڌيڪ ھجي ٿي ته پراسٽيٽ ڪينسر ھجڻ جي نشاني ٿي سگهي ٿي. سفري تپاسڻ (rectal examination) سان ڊاڪٽر، غدود جي سائيز ۽ نھرائپ جو اندازو لڳائي سگهي ٿو. الٽراسائونڊ اسڪيننگ (ultrasound scanning) ۽ بايوپسيءَ (biopsy) رستي پڪي تشخيص ڪري سگهجي ٿي. رت جون تپاسون (blood tests)، سي ٽي اسڪيننگ (CT scanning)، ايم آر آءِ (MRI) ۽ ھڏي جي اسڪيننگ (ڏسو، radionuclide scanning) به ڪري سگهجي ٿي. ڪنھن وڏيءَ عمر جي مرد ۾ پراسٽيٽ جي معمولي ڪينسر جيڪا وگهري نه چڪي ھجي ان جي علاج ڪرائڻ جي سفارش نٿي ڪئي وڃي. نوجوان مردن جي پراسٽيٽيڪٽومي (prostatectomy)، بريڪيٿراپي (brachytherapy) يا ريڊيوٿراپي (radiotherapy) ڪري سگهجي ٿي. عام طور تي گهڻي وگهري ويل ڪينسر جو، ڪينسرختم ڪندڙ دوائن يا ھارمونن رستي علاج ڪري سگهجي ٿو.