مذهبي وغيره اصولن جي تبليغ، پرچار

پراپيگنڊا- پرچار- الزام- تبليغ- ڦهلاءُ

نشر ۽ اشاعت

پروپئگنڊا يا پرچار هڪ رابطائي سرشتو آهي ، جنهن ذريعي ڪنهن خاص مقصد يا نظريي جي نسبت سان عوام ۽ عام راءِ تي جانبدار طريقي سان اثر انداز ٿيڻ جي ڪوشش ڪئي وڃي ٿي. ان سرشتي تحت مخصوص معلومات عوام تائين پهچائڻ ۽ لڪائڻ جي عمل ذريعي انساني راءِ کي ڪنٽرول ڪبو آهي. ان کان علاوه هيءُ پرڏيهي پاليسيءَ جو پڻ هڪ اهم هٿيار آهي. هن سرشتي هيٺ مُختلف سياسي يا سفارتي معاملن بابت ڪو خاص حلقو يا طبقو، عوام ۾ پنهنجي پسند مطابق تاثر قائم ڪرائڻ لاءِ حڪمت عملي جوڙي، اُن تي عمل شروع ڪندو آهي. قديم هندوستان ۾ ’چندر گُپت موريا‘ جي وزير ’ڪوتليا‘، بعد ۾ روم جي مُفڪر ’ميڪياويليءَ‘ ۽ ويهپن صدي عيسويءَ ۾ ’هٽلر‘ جي وزير گوئبلز هن سرشتي جي ڦهلاءَ ۾ ڏاڍي مشهوري ماڻي. پروپئگنڊا لفظ جو عام تاثر منفي ٿيندو آهي. هن ذريعي کي ڪتب آڻيندڙ فرد يا ادارا پمفليٽ، اخبارن، ڪتابن ۽ اڄوڪي دور ۾ خاص طور اليڪٽرانڪ وسيلن جو استعمال ڪندا آهن. اڄڪلهه جي عالمي سياست ۾ هن حربي جو استعمال تمام گهڻو وڌيل آهي. ان جي وسيلي حڪومتي تبديليءَ سميت مختلف مقصد ماڻيا وڃن ٿا. ان ڪري دنيا جون حڪومتون ۽ ٻيا سگهارا ادارا پروپئگنڊا تي تمام گهڻو ڌيان ڏيڻ سان گڏ تمام گهاڻا وسيلا به سيڙائين ٿا