Pressure sores

پريشر ـ سور

اھڙيون السرون جيڪي چمڙيءَ جي بيھوش مريضن يا چرپرنه ڪري سگهندڙن اگهن کي ٿي پون ٿيون. انھن کي ڊيڪيوبيٽس السرون (decubitus ulcers) يا بيڊ سورس (bedsores) به سڏجي ٿو. جسم جا اھڙن عام ھنڌن ۾ شامل ٿين ٿا ڪلها، مرا، ھيٺين پٺي، سٿر، ٻنڊڙ ۽ پيرن جون تريون. پريشر سور فالج (stroke) يا ڪرنگهي جي ضربن (spinal injuries) کانپوءِ پيدا ٿي سگهن ٿا جنھن جي نتيجي ۾ حس ختم ٿي وڃي ٿي. جڏھن پيشاب جهلي نه سگهجي ته نتيجي ۾ رھندڙ گهميل ھنڌ به ان جي پيدا ڪرڻ جو ھڪ سب ٿي سگهي ٿي. پريشر سورس جي شروعات ڳاڙھي، پيڙا واري ھنڌ جي صورت ۾ واڱڻائيءَ ٿي پوءِ چمڙي ڦاٽي پوي ٿي. عام طور تي ان مرحلي ۾ ڦٽ پڪريزي ٿي پون ٿا ۽ تمام آھستي ڇٽن ٿا. اونھين ۽ پراڻين السرن لاءِ اينٽيبياٽڪ (antibiotics) دوائن رستي علاج ڪرڻ جي ضرورت ٿي سگهي ٿي ۽ ڪن ڪيسن ۾ ممڪن ٿئي ٿو ته پلاسٽڪ سرجي (plastic surgery) ڪرڻي پوي. سٺيءَ طرح سان پرگهور لهڻ سان گڏ جڏھن مريض جي باقاعديءَ سان حالت مٽائبي رھجي، چمڙيءَ جو خيال رکجي، حساس ھنڌن جو بچاءُ ڪجي، ڪشن/گديون استعمال ڪجن ۽ خاص ميٽريس استعمال ڪجي ته گهڻين حالتن ۾ پريشر سور جي واڌ کان بچي سگهجي ٿو.