Pituitary tumours

پِ.ٽيو.ئِٽري ـ ٽيومرس

پٽيوئٽري ۾ ورلي ڳوڙھيون گهڻي ڀاڱي اَڪينسري (noncancerous) پيدا ٿين ٿيون جڏھن ته ڳوڙھين جي واڌ ڏسڻين تنتن (optic nerves) تي دٻاءَ وجهي ديد جا نقص پيدا ڪري سگهي ٿي. پٽيوئٽري جي ڳوڙھين پيدا ٿيڻ جي ڪارڻن جي ڄاڻ ڪونھي، انھن ڪري ھارمون جي اڻ پوري پيداور ٿئي ٿي، جنھن سبب ماھواري بند ٿيڻ يا تخمي جيون (sperm) جي گهٽ پيداوار ٿيڻ جھڙا ڪيترا مسئلا پيدا ٿي پون ٿا. ڳوڙھين سبب غدود حد کان وڌيڪ ھارمون به پيدا ڪري سگهن ٿا. گروٿ ھارمونن جي حد کان وڌيڪ پيداوار سبب ديو قامت قد بت (gigantism) يا ايڪروميگالي (acromegaly)، ٿائروائڊ ـ اسٽيميوليٽنگ ھارمون (thyroid-stimulating hormone/TSH) جي تمام گهڻي پيدا ٿيڻ سبب ھائپرٿائروائڊزم (hyperthyroidism) ٿي سگهي ٿو. تشخيص لاءِ رت جون تپاسون، ايڪسريز، پٽيوئٽري جي ايم آر آءِ (MRI) ۽ ديد جون عام تپاسون ڪجن ٿيون. ڳوڙھين خارج ڪرڻ لاءِ ممڪن ٿئي ٿو ته آپريشن، ريڊيوٿراپي ((radiotherapy ، ھارمون رِيپليسمينٽ (hormone replacement) دوائون (جھڙوڪ: bromocriptine or somatostatin analogues) يا انھن طريقن جو گڏيل نموني سان علاج ڪجي.