Perthes’ disease

سٿريئي (femur) جي واڌ ڪندڙ مٿين ڇيڙي جي سوزش (epiphysis). بيماري آسٽيوڪانڊريائيٽس جووينلس (osteochondritis juvenilis) جو ھڪ قسم ٿئي ٿي جيڪا ھڏي ڏانھن رت جي رسد ۾ خلل سبب پيدا ٿئي ٿي. 10 کان 15 سالن جي ڇوڪرن ۾ گهڻي عام ٿئي ٿي ۽ عام طور تي ھڪ سٿر کي متاثر ڪري ٿي. تڪليف ۾ سٿر۽ گوڏي جو سور ٿئي ٿو ۽ متاثر پاسي ۾ لڱُ پيدا ٿئي ٿو. تشخيص لاءِ ايڪسري ۽ ايم آر آءِ (MRI) ۽ ورلي آرٿوگرافي (arthrography، ايڪسري جو ھڪ قسم جنھن لاءِ ھڪ سنڌ ۾ ھڪ مخصوص قسم جو رنگ ؛ ڪنٽراسٽ ميڊيم ھنيو وڃي ٿو) ڪجي ٿي. علاج جو مدار ٻالڪ جي عمر ۽ تڪليف جي شدت تي ٿئي ٿو. ورلي، ڪنھن مخصوص علاج جي ضرورت نٿي ٿئي. جيڪڏھن علاج جي ضرورت ٿئي ٿي ته ان ۾ فزيوٿراپي (physiotherapy)، بيساکيون، بستري جو آرام ۽ عضوي جي ڪسرت (traction)، پلستر چاڙھڻ يا ورلي آپريشن ڪرڻي پوي ٿي. عام طور تي بيماري پنھنجو پاڻ 3 سالن اندر ختم ٿي وڃي ٿي، جڏھن ته دُڏ پوءِ به بيڊولي رھي سگهي ٿي ۽ زندگيءَ ۾ اڳتي ھلي آرٿرائيٽس ٿيڻ جو خطرو ٿي سگهي ٿو.