Personality disorders

پرس.نلِ.ٽي ـ ڊسئارڊرس

تڪليفن جو ھڪ اھڙو مجموعو جنھن سبب نه ته آزمودن مان سکي سگهجي ٿو ۽ نه ئي معقول تبديليون اختيار ڪري سگهجن ٿيون جنھن جي نتيجي ۾ پريشاني ۽ سماجي ڪمن ۾ اوڻايون پيدا ٿين ٿيون. شخصيتي نقص سڀاءَ جا اھڙا طريقا ٿين ٿا جيڪي خاص طور تي پريشانيءَ دوران ظاھر ٿي پون ٿا. عام طور تي انھن جي سڃاڻپ نوجواني ۾ ٿئي ٿي ۽ سڄي عمر ھلن ٿا ۽ عام طور تي پريشاني ۽ ماندائيءَ جو ڪارڻ بڻجن ٿا. مخصوص قسمن جي شخصيتي نقصن/ بگاڙ کي ٽن مکيو گروپن ۾ ورھايو وڃي ٿو. جڏھن ته عام طور تي اھي ھڪٻئي تي ڇانيل رھن ٿا. پھرين گروپ جي فردن جي خوبي، غيرمعمولي سڀاءُ ۽ شڪي (paranoid) ٿين ٿا ۽ ٻين ۾ ڪويساه ۽ اڻ اعتباري ظاھر ڪن ٿا، مضبوط (schizoid) فرد، جذباتي ٿڌا ۽ شائزوٽائيپل (schizotypal) شخصيت وارن جا سڀاءَ انوکا اسڪيزوفرينيا (schizophrenia) وارن جھڙا پر گهٽ شديد ٿين ٿا. ٻئي گروپ وارن جو سڀاءُ ڊرامائي ٿئي ٿو. مصنوعي ڪردار (histrionic) وارا فرد جذباتي ۽ لاڳيتو متحرڪ ٿيڻ جا خواھشمند ٿين ٿا، نرگسيت () پسندن کي پنھنجيءَ اھميت بابت ابھام ھجي ٿو (ڏسو، narcissism) ۽ غيرسماجي شخصي نقص وارا فرد، سماج جي معياري سڀائن کي تسليم نٿا ڪن. ٽئين گروپ وارا فرد پريشاني ۽ ڊپ جو اظھار ڪن ٿا. ٻين تي ڀاڙيندڙ شخصيتن ۾ خوداعتمادي نٿي ھجي جنھن سبب آزاد طريقي سان ڪم ڪري نٿا سگهن.