Peritonitis

پي. ري. ٽو. ناءِ. ٽس

پيٽانگي (peritoneum) جي سوزش. اھا ھڪ سنگين عام طور تي پراڻي تڪليف ٿئي ٿي جنھن جو گهڻو عام ڪارڻ معدي يا آنڊي جي ڀت جو سوراخجڻ/ وِنڌجڻ (perforation) ٿئي ٿو جنھن سبب بئڪٽيريا ۽ ھاضمي جون رسون پيٽ جي ڀانڊي ۾ پھچي وڃن ٿيون. عام طور تي سوراخجڻ جو ڪارڻ پيپٽڪ السر (peptic ulcer)، اَپينڊيسائيٽس (appendicitis) يا ڊائِورٽيڪيولائيٽس (diverticulitis، آنڊي ۾ ڊائورٽيڪيلم جي سوزش) ٿئي ٿي. پيريٽونائيٽس سبب شديد سالِپنجائيٽِس (salpingitis، فيلوپين نلين جي سوزش)، ڪوليسِسٽائيٽس (cholecystitis، پتي جي سوزش)يا سيپٽيسِيميا (septicaemia) به ٿي سگهي ٿي. تشخيص لاءِ جسماني تپاس ڪجي ٿي ۽ اِميجنگ طريقا (imaging techniques) استعمال ڪجن ٿا. ممڪن ٿئي ٿو ته اصل ڪارڻ ختم ڪرڻ لاءِ آپريشن ڪرڻي پوي. جيڪڏھن ڪارڻ جي ڄاڻ نه ھجي ته ليپرواسڪوپي (laparos copy) يا ڦولهيندڙ لئپيروٽومي (laparotomy) به استعمال ڪري سگهجي ٿي. عام طور تي اينٽيبياٽڪ (antibiotics) دوائون ۽ نس رستي پاڻيٺ ڏجن ٿيون. ڪيترين حالتن ۾ مڪمل بحالي ٿي وڃي ٿي. اڳتي ھلي چيڙه (adhesions) سبب آنڊن ۾ رڪاوٽ پيدا ٿي سگهي ٿي.