Pelvic inflammatory disease

پيل.وڪ ـ ان.فلي.ميٽ.ري ـ ڊِ.زيز

عورت جي اندرين پيدائشي عضون جو انفيڪشن. ممڪن آھي ته پيلوڪ انفليميٽري ڊزيز يا پي آءِ ڊي جو ظاھراً ڪارڻ نه به ھجي پر ممڪن آھي ته اھو جنسي وچڙندڙ بيماريءَ سبب پکڙيو ھجي جھڙوڪ: پرميل (gonorrhoea) يا ڪليميڊيا (chlamydia) يا ڇڪيءَ اچڻ (miscarriage)، ڪھائيءَ (abortion) يا ٻار ڄڻڻ (childbirth) کانپوءِ . آءِ يو ڊي (IUD) جي استعمال سان انفيڪشن پيدا ٿيڻ جو خطرو وڌي وڃي ٿو، پي آءِ ڊي سبب اَويجهائپ/ بي اولادي (infertility) پيدا ٿي سگهي ٿي يا بيجا حمل ٿيڻ (ectopic pregnancy) جو خطرو وڌي سگهي ٿو.ان جي عام تڪليفن ۾ شامل ٿين ٿيون پيٽ جو سور ۽ ڏکڻو ٿي پوڻ، گرڀ ناليءَ مان رت اچڻ، بخار، بي قاعدي ماھواري، ماھوارين جي وچ ۾ رت اچڻ ۽ ھمبستريءَ کانپوءِ رت وھڻ. عام طور تي ماھواريءَ کانپوءِ سور ٿئي ٿو ۽ ھمبستريءَ دوران بدتر ٿي وڃي ٿو. بيماري يا اگهائپ جو احساس، الٽي يا پٺيءَ جو سور. عام طور تي تشخيص لاءِ نھائين جي اندرين چڪاس، ڪپھه جي پھي رستي انفيڪشن تپاسڻ ۽ لئپئرواسڪوپي (laparoscopy) ڪجي ٿي. اينٽيبِياٽڪ (antibiotic) ۽ ورلي اَنلجيسڪ (analgesic) دوائون تجويز ڪجن ٿيون. ممڪن ٿئي ٿو ته آءِ يو ڊي نيڪال ڪرڻ ضروري ٿي پوي.