Pellagra

پِي.لَيگرا

انتھائي موتمار قسم جو ھڪ غذائي نقص جيڪو نياسن (ڏسو، (vitamin B complex جي کوٽ سبب پيدا ٿي ڊرميٽائيٽس (dermatitis)، دستن ۽ ڊمينشيا (dementia) جي بيماري پيدا ڪري ٿو. عام طور تي غريب ڳوٺاڻن برادرين ۾ جتي ماڻھون مڪئي (maize) تي پيٽ پالين ٿا کين ٿئي ٿو. گهڻي ڀاڱي، مڪئي جي نياسين جسم ۾ تيستائين جذب ٿيندڙ نٿي ٿئي جيستائين ان کي الڪليءَ جھڙوڪ: چن جي پاڻيءَ (lime-water) ۾ ٽريٽ نٿو ڪجي. جنھن سبب ڪارسينوائڊ سنڊروم (carcinoid syndrome) ۽ انفلميٽري بائول ڊزيز (inflammatory bowel disease) جھڙيون تڪليفون ان جو ڪارڻ ٿي سگهن ٿيون. ان سبب پيدا ٿيندڙ تڪليفن ۾ ڪمزوري، وزن جي گهٽتائي، سستي، اداسي، توائي، سوزش، اس ۾ وائکي ٿيڻ سان چمڙيءَ جي خارس ٿيڻ ۽ ڊمينشيا شامل ٿين ٿيون. شديد حملن جي صورت ۾ متاثر چمڙيءَ تي سِمندڙ ڦلوڪڻا پيدا ٿي سگهن ٿا، ڄڀ سڄي سور پيدا ڪري وجهي ٿي. تشخيص، مريض جي حالت جي اندازي لڳائڻ ۽ غذائي ھسٽريءَ وٺڻ مان ڪري سگهجي ٿي. عام طور تي روزانو نياسين ۽ مختلف قسمن جا کاڌا کائڻ سان بيماري ڇڏي وڃي ٿي.