Panic attack

پَي.نڪ ـ اٽئڪ

مختصر عرصي لاءِ پيدا ٿيندڙ شديد پريشاني (anxiety) جنھن ۾ عام طور تي مرڻ جو گهڻو ڊپ يا پنھنجو مقصد وڃائڻ غالب رھي ٿو. شروعات ۾ حملن جي اڳڪٿي ڪري نٿي سگهجي پر پوءِ مخصوص حالتن سان لاڳاپيل ٿين ٿا. نشانيون اوچتيون شروع ٿين ٿيون جن ۾ ساه کڻڻ ۾ تڪليف، ڇاتيءَ جو سور، دل جو دھڪو (palpitations)، غشي (lightheadedness)، ڦيري، پگهرجڻ، ڏڪڻي ۽ بيھوشي ٿئي ٿي. عام طور تي ساه جي مونجهه (hyperventilation) ٿي پوي ٿي، سيون چڀڻ لڳن ٿيون، دماغي فتور (depersonalization) ۽ حقيقت جي اٻتڙ (derealization) احساس پيدا ٿيڻ لڳن ٿا. حملا ترت ختم ٿي وڃن ٿا. عام طور تي پئنڪ اٽئڪ اينگزائٽي ڊسئارڊر (anxiety disorder)، اَگوريفوبيا (agoraphobia) يا ٻين فوبيائن جون نشانيون ٿين ٿيون. ڪن حالتن ۾ اھڙا حملا سوميٽائيزيشن ڊسئارڊر (somatization disorder) يا اسڪيزوفرينيا (schizophrenia) جو ھڪ حصو ٿين ٿا.ان تڪليف کي ختم ڪرڻ لاءِ سڀاءَ جي علاج (behaviour therapy)، بيٽا بلاڪرن (beta- blockers) ۽ رليڪسنگ ڪسرتن رستي ڪري سگهجي ٿو.