PET scanning

پِيٽ ـ اسڪيننگ

پوزيٽرون اِمِيشن ٽوموگرافي (positron emission tomography) جو مخفف جيڪو تشخيص جو ھڪ طريقو ۽ ان جو بنياد پوزيٽرونَ (ھڪ قسم جو نيم ايٽمي پارٽيڪل) لهڻ تي ٿئي ٿو جيڪي جسم ۾ نشان ڪيل شعاعدار مادن طور متعارف ڪرائجن ٿا. پِيٽ اسڪيننگ جسم جي ٽشوئن جي ميٽابولي ((metabolic ۽ ڪيميائي سرگرميءَ جا عڪس پيدا ڪري ٿو. پِيٽ اسڪين ورلي ايم آر آءِ (MRI) يا سي ٽي اسڪين (CT scans) سان ملائي جوڙجڪ ۽ ڪارجي لحاظ کان تفصيلي عڪس پيدا ڪجن ٿا. جسم جي بايوڪيميائي عملن لاءِ استعمال ٿيندڙ مادا، ريڊيوآئسٽوپن سان نشان ڪري پوءِ رت جي گردشي سرشتي ۾ داخل ڪجن ٿا. اھي مادا گهڻيءَ گهاٽائيءَ ۾، اھي ٽشو جذب ڪن ٿا جيڪي ميٽابوليڪلي چست ھجن ٿا. اھي مادا، پوزيٽران (positrons) خارج ڪري موٽ ۾ فوٽان خارج ڪن ٿا جن کي اسڪينر ذريعي ڳولهي سگهجي ٿو. پِيٽ اسڪينر رستي دل جي بيماري، ڳوڙھيون، مغز ۾ اپيليپٽڪ (مرگهي) سرگرمي لهي ۽ مغز جي ڪم جي چڪاس ڪري سگهجي ٿي.