Ovulation

او.وِيو.لي.شن

آنجڻ، آنيدانيءَ جي ڪنھن فوليڪل مان ھڪ رسيل آني (ovum/egg) جو اسرڻ ۽ خارج ٿيڻ. ماھواري جي سائيڪل جي پھرين اڌ دوران فوليڪل اسٽيميوليٽنگ ھارمون (follicle-stimulating hormone/FSH) آنيدانيءَ ۾ ڪيترن آنن کي رسائين ٿا. وچين سائيڪل دوران ليوٽينائيزنگ ھارمون luteinizing hormone/LH)) ھڪ رسيل آني کي خارج ڪن ٿا. آنجڻ جي نشانين ۾ شامل ٿين ٿيون: جسم جي گرمي پد ۾ واڌ، ڳھڻ جي لعاب ۾ تبديليون ۽ ورلي پيٽ جو ھلڪو سور (ڏسو، mittelschmerz). آنجڻ کانپوءِ فوليڪل مان ھڪ پيلو مادو پيدا ٿئي ٿو ۽ ڪارپس ليوٽم (corpus luteum) سڏجي ٿو، سائيڪل جي ٻئي اڌ دوران ھڪ ھارمون پروجيسٽيرون (progesterone) خارج ڪري ٿو. خارج ٿيڻ کانپوءِ آنو، فيلوپين نليءَ (fallopian tube) ۾ ھلڻ شروع ڪري ٿو جيڪڏھن ان دوران نَرجي (fertilization) نٿو سگهي ته ماھواري (menstruation) دوران خارج ٿي وڃي ٿو. عام طور تي باقاعدگيءَ سان ماھواري اچڻ جو مطلب، آنجڻ جو عمل ٿيندو رھڻ ٿئي ٿو جيڪو سواءِ سامائجڻ (puberty) کان اڳ واري دور ۽ سنڍجڻ (menopause) کي رسڻ کان اڳ ۾ تائين ھلي ٿو.