”سرد جنگ“ جي دؤران هر ڌر اهو چاهيندي هئي، ته پنهنجي مخالف کي بلڪل ختم ڪري ڇڏي، پوءِ ان لاءِ نيوڪليائي هٿيار به ڇو نه استعمال ٿين. ڇاڪاڻ جو نيوڪليائي توانائيءَ وارن هٿيارن ۾ اِها صلاحيت موجود هُئي، ته ان ذريعي مخالف ڌُر کي بلڪل تباهه ڪري ڇڏجي. ڌُرين ۾ موجود انهيءَ صلاحيت کي ڏسي، ”اوور ڪِل“ جو اصطلاح سامهون آندو ويو. ”سرد جنگ“ کانپوءِ جڏهن ڪميونزم جو زور ٽٽي ويو ۽ سوويت يونين به گهڻن رياستن ۽ ملڪن ۾ ورهائجي ۽ نئين صورتحال جو تجزيو ڪندي اهو نتيجو اخذ ڪيو ويو ، ته ”اوور ڪِل“ واري صلاحيت ماڻڻ لاءِ، جديد دور ۾ نيوڪلرائي ٽيڪنالاجيءَ کان وڌيڪ اهم عنصرن يعني، بهتر سياسي قيادت ۽ زبردست عوامي حمايت جو هجڻ تمام ضروري آهي. ”سرد جنگ“ واري دور کان پوءِ، اڄڪلهه اهي ٻئي عنصر هر ملڪ جي سالميت ۽ سگهه لاءِ تمام اهم سمجهيا وڃن ٿا.