Otitis media

اوٽائيٽس ـ ميڊيا

وچين ڪن (ear) جي سوزش جيڪا وائرسي يا بئڪٽيريائي انفيڪشن سبب يواسٽيشيئن (eustachian) ناليءَ تائين پکڙجي سگهي ٿي جيڪا نڪ جي پٺيان کان وچين ڪن تائين ٿئي ٿي، سوزش سبب نالي بند ٿي سگهي ٿي يا سڄي ويل ايڊينوائڊ (adenoids) سبب پاڻيٺ ۽ پونءِ ٻاھر خارج ٿيڻ جي وچين ڪن ۾ گڏ ٿي وڃي ٿي. ٻارڙا، خاص طور تي 7 سالن کان ننڍا اوٽائيٽس ـ ميڊيا لاءِ حساس ٿين ٿا ته ڪن کي اٿلي پوي ٿي. شديد اوٽائيٽس ـ ميڊيا اوچتو شديد ڪن جو سور، ڪن جي ڀريل ھجڻ جو احساس، ٻوڙائپ، ڪن جو وڄڻ (tinnitus) ۽ بخار ڪري وجهي ٿي. ممڪن ٿئي ٿو ته دھلڙي (eardrum) ڦاٽي پوي جنھن سبب ان کي ڇٽڻ ۾ عام طور تي ڪجهه ھفتا لڳي وڃن ٿا. جنھن جي جاچ لاءِ وچين ڪن جي اوٽواسڪوپ (otoscope) رستي چڪاس ڪجي ٿي، دھلڙي ڳاڙھي ڏسڻ ۾ اچي ٿي ۽ ممڪن ٿئي ٿو ته ٻاھرتي نڪري پوي. علاج لاءِ انلجيسڪ (analgesic) ۽ ورلي اينٽيبِياٽڪ (antibiotics) دوائون ڏجن ٿيون. جڏھن ته ٻالڪپڻي جا ڪيترا انفيڪشن وائرسي ٿين ٿا. اوٽائيٽس ميڊيا جي ھڪ ممڪن پيچيدگي، گِلو ايئر (glue ear) ٿئي ٿي جنھن ۾ ھڪ گهاٽي پاڻيٺ پيدا ٿي ٻڌڻ کي متاثر ڪري ڇڏي ٿي. ان جي خاص طور تي ٻارن ۾ پيدا ٿيڻ جو ڪارڻ شديد يا اٿلي پوندڙ اوٽائيٽس ميڊيا ٿئي ٿي. ٻين پيچيدگين ۾ ٻڌڻ جي سگهه جو متاثر ٿيڻ ۽ ڪوليسٽيئٽوما (cholesteatoma) ٿئي ٿي. ورلي حالتن ۾ اوٽائيٽس ميڊيا اندر پکڙجي ميسٽوئيڊائيٽس (mastoiditis) پيدا ڪري ٿي.