Orthodontic appliances

آر.ٿو.ڊان.ٽڪ ـ اَ.پلائينسز

کي عام طور تي بريسز (braces) به سڏجي ٿو جيڪي ھڻي ڇڏجن ٿا يا ڪڍي به سگهجن ٿا. انھن رستي مالئاڪوليشن (malocclusion) درست ڪجي ٿي يا ڳتيل ڏندن يا بَڪ ٽيٿ (buck teeth) کي اصل ھنڌ تي ٿانيڪو ڪجي ٿو. عام طور تي ٻالڪپڻي ۽ نوجواني ۾ استعمال ڪجي ٿو، انھن جي لاڳيتو پوندڙ ھلڪي دٻاءَ سبب ڏندن ۾ چرپر پيدا ٿئي ٿي. فڪسڊ اپلائنس ۾ بريڪيٽَ ھڪ آرڪ وائر (arch wire) رستي ڏندن سان ڳنڍيل ٿين ٿا ۽ انھن جي سختيءَ سبب دٻاءَ پيدا ڪندا رھن ٿا. پنھنجي ھنڌ تي اٽڪل ھڪ سال تائين ڇڏي ڏجن ٿا ان کانپوءِ ھڪ ريٽينر پليٽ (retainer plate) جي گهرج پئجي سگهي ٿي ته جيئن ڏندن کي تيستائين پنھنجيءَ جاءِ تي ٿانيڪو ڪري سگهجي جيستائين ڏند ۽ ڄاڙيءَ جي واڌ پوري ٿي سگهي. رموئبل اپلائينس ۾ ھڪ پلاسٽڪ جي پليٽ ھڪ سنجٽ رستي پوين ڏندن جي رڳو ھڪ يا وڌيڪ ڏندن کي درست ڪرڻ لاءِ استعمال ڪجي ٿو، جيڪي اسپرنگن (springs)، وائر بوز (wire bows)، اسڪروئن (screws) يا رٻڙائين بينڊن (rubber bands) رستي پليٽ سان فٽ ٿيل ٿين ٿا دٻاءَ لڳائين ٿا.