Oestrogen drugs

ايس.ٽرو.جن ـ ڊرگس

مصنوعي دوائن جو ھڪ اھڙو گروپ جيڪو حمل روڪ گورين (oral contraceptives) ۾ ۽ واڌو يا جسم جي پنھنجي ايسٽروجن (oestrogen) ھارمون بجاءِ استعمال ٿئي ٿو. ايسٽروجن گوناڊوٽرافن (gonadotrophin hormones) ھارمونن جي پيداور کي ٻنجي ڇڏي ٿو جيڪي آنيدانين (ovaries) جي سيلن کي متحرڪ ڪن ٿا. ايسٽروجن دوائون سنڍجڻ (menopausal) سبب پيدا ٿيندڙ تڪليفن ۽ نقصن جي علاج لاءِ به ورلي استعمال ٿين ٿيون. ڪن قسمن جي بي اولادي/ اَويجهه (infertility)، عورتاڻي ھائپوگوناڊزم (hypogonadism)، ماھواري جي غيرمعمولي رتھير ۽ پراسٽيٽ (prostatic) ڪينسر جي علاج لاءِ استعمال ڪري سگهجن ٿا (ڏسو، prostate, cancer of). ايسٽروجن ھارمونَ ڇاتين کي حساس ۽ وڏو، ڀرتي، اوڪارا، جنسي خواھش گهٽائي، ڊپريشن، اڌ مٿي جو سور ۽ ماھوارين وچ ۾ رتھير ڪرائي سگهن ٿا. عام طور تي اٽڪل ٻن ٽن مھينن ۾ انھن جا اگرا اثر ختم ٿي وڃن ٿا. دوا، رت جي غيرمعمولي دڳن پيدا ٿيڻ جا خطرا وڌائي (ڏسو، thrombosis, deep vein)، ڇاتيءَ جي ڪينسر، ڳڀيرڻ جي ڪينسر (ڏسو، uterus, cancer of)، فالج ۽ دل جي بيماري ٿيڻ جا امڪان وڌائي سگهي ٿي. ايسٽروجن دوائون حمل ھجڻ جي حالت ۾ استعمال ڪرڻ نه گهرجن نه ته انھن جو ابھم تي خراب اثر پئجي سگهي ٿو.