Oesophagitis

اِي.سو.ف.ءَ گا.ئي.ٽس

لُڪيءَ (oesophagus) جي سوزش. ڪنھن ساڙيندڙ مادي جھڙوڪ: صفائيءَ لاءِ استعمال ٿيندڙ تيز ڪيميائي مادي سبب پيدا ٿيندڙ اِيسوفيجائيٽس جو ھڪدم شديد سور پوي ٿو، نڙي ۽ وات سڄي پوي ٿو، جن جا ترياق محدود اثرائتا ٿين ٿا ته معدي جي صفائي (ڏسو، lavage, gastric) سان نقصان وڌي وڃي ٿو. علاج لاءِ خاص طور تي سور گهٽائڻو پوي ٿو ۽ جيستائين لڪي ڇٽي وڃي تيستائين پرگهور لهڻي پوي ٿي. ريفلڪس اِيسوفيگائيٽس جو ڪارڻ لڪيءَ جي ھيٺين حصي جي مشڪن جو نالي ماتر/ مڙيوئي ڪم ڪرڻ ٿئي ٿو جنھنڪري معدي جو تيزابي مواد لڪي ڏانھن واپس ٿي وڃي ٿو (ڏسو، gastro-oesophageal reflux disease). مکيو نشانيون اڱاري ٿئي ٿي جيڪا الڪوحل استعمال ڪرڻ، تماڪ ڇڪڻ، ٿلهائپ ۽ وات رستي استعمال ٿيندڙ نان اسٽيروائيڊل اينٽي انفلميٽري (nonsteroidal anti-inflammatory) دوائن واپرائڻ سان ممڪن ٿئي ٿو ته بدتر ٿي وڃي. ھيٺين لڪيءَ جو درست طريقي سان ڪم نه ڪرڻ ھائيٽس ھرنيا (hiatus hernia) سان لاڳاپيل ٿي سگهي ٿو. معمولي حالتن ۾ علاج لاءِ کاڌي ۽ زندگيءَ جي طور طريقن جي تبديلي، اينٽاسڊ دوائن جي ڏيڻ سان تيزابيت گهٽائڻ ۾ مدد ملي سگهي ٿي. وچٿري يا شديد حالتن ۾ ايڇ2 رسيپٽر اينٽاگونسٽس (H2- receptor antagonists) يا پروٽون پمپ انھبيٽرَ (proton pump inhibitors) جيڪي وڏيءَ حد تائين معدي جي تيزابيت گهٽائين ٿا استعمال ڪري سگهجن ٿا. ھائيٽس ھرنيا لاءِ آپريشن به ڪري سگهجي ٿي. شديد پراڻي اِيسوفيگائيٽس، اِيسوفيگيئل اسٽرڪچر (oesophageal stricture) پيدا ڪري سگهي ٿي.