Nutritional disorders

نيو.ٽري.شنل ـ ڊسئارڊر

غذائي بيماريون سڏجي ٿو ان حالت کي جڏھن غذا ۾ ڪنھن ھڪ يا وڌيڪ غذائي جزن جي کوٽ ھجي ٿي يا حد کان وڌيڪ موجود ھجن ٿيون يا زھريلا مادا موجود ھجن ٿا. ڪنھن کاڌي ۾ نشاستن (carbohydrates) جي کوٽ سبب ممڪن ٿئي ٿو ته پروٽينن (protein) جي به کوٽ ھجي جنھن سبب پروٽين ـ ڪئلرين جي اوڻائي پيدا ٿئي ٿي جھڙوڪ: عام طور تي ان قسم جي پوڻائي شديد غربت ۽ ڏڪر ڪري ٿي پوي ٿي (ڏسو، kwashiorkor; marasmus). پروٽينن ۽ ڪئلورين جو ناڪافي استعمال انھن فردن ۾ ٿئي ٿو جيڪي وزن گهٽائڻ لاءِ سخت ڪِري ڪن ٿا (ڏسو، anorexia nervosa)، غذا ۽ صحت بابت وھمي خيال ھجن ٿا (ڏسو، food fad) يا الڪوحل يا نشي پتي جا عادي ھجڻ سبب کاڌي سان دلچسپي گهٽائي ڇڏين ٿا. عام طور تي ڪن مخصوص غذائي جزن جي کوٽ ھاضمي جي سرشتي جي نقص جھڙوڪ: سيليئڪ ڊزيز (coeliac disease)، ڪروھانس ڊزيز (Crohn’s disease) يا پرنيشس اَنيميا (pernicious anaemia) سان لاڳاپيل ٿئي ٿي (ڏسو، anaemia, megaloblastic). ٿلهائپ تڏھن پيدا ٿي پوي ٿي جڏھن غذا مان ايتري گهڻي توانائي حاصل ڪجي ٿي جيڪا جسم استعمال ڪري نٿو سگهي. غذائي نقص معدنيات (vitamins) ۽ وٽامنن (minerals) جي گهڻي استعمال سبب به پيدا ٿي پوي ٿي. سيچوريٽيڊ (saturated) سڻڀن لاءِ سمجهيو وڃي ٿو ته انھن جي حد کان وڌيڪ استعمال سان ڪورونري آرٽري ڊزيز (coronary artery disease) ۽ ڪن قسمن جي ڪينسرن ۾ ظاھر ٿي پون ٿيون.