Notifiable disease

نو.ٽي.فاءِ.ئبل ـ ڊ.زيز

جن بيمارين جي تشخيص ٿيڻ کانپوءِ انھن بابت صحت جي اختيارين کي ٻڌائڻ ضروري ٿئي ٿو. ڇاڪاڻ ته اھي وچرندڙ، شديد يا اٿلي پوندڙ ۽ انسانن يا جانورن جي صحت لاءِ خطرناڪ ٿين ٿيون تنھنڪري انھن تي نظر رکڻ ۽ روڪڻ جا اپاءَ وٺڻ ضروري ٿين ٿا. اھڙين وچڙندڙ بيمارين ۾ ڪالرا (cholera)، خناق (diphtheria)، ارڙي (measles)، مَلي، (mumps)، ھڙڪ/ڇتڪتائپ (rabies)، خسرو (rubella)، ڪُزاز (tetanus)، ٽي بي (tuberculosis) ۽ وڏي کنگهه (pertussis/whooping cough) شامل ٿين ٿيون. وچڙندڙ بيمارين کانسواءِ ڪن قسمن جون بيماريون اھڙيون به ٿين ٿيون جن لاءِ لازمي طور تي آگاه ڪرڻو پوي ٿو جن ۾ ڪي ٿين ٿيون: پيدائشي نقص (birth defects) ۽ ڪن قسمن جي سکڻ جون تڪليفون (learning difficulties). جڏھن ته ڪينسرن جي قومي سطح تي آگاھي ڏجي ٿي. ڪن قسمن جي پيشيوراڻين بيمارين بابت به آگاه ڪجي ٿو جھڙوڪ: شيھي جو زھر (lead poisoning)، پاري جو زھر (mercury poisoning)، ڪيڊميم جو زھر (cadmium poisoning) ۽ ڪارو واءُ/ ٻُلهاڙي (anthrax) (وڌيڪ ڏسو، prescribed diseases).