Nongonococcal urethritis

نان.گونو.ڪو.ڪل ـ يوري.ٿرائي.ٽس

اڳ ۾ نان اسپيسفڪ يوريٿرائيٽس (nonspecific urethritis) سڏجندڙ، پيشاب نليءَ جي سوزش جو ڪارڻ پرميل (gonorrhoea) نٿو ٿئي. نان گونوڪوڪل يوريٿرائيٽس سڄيءَ دنيا ۾ گهڻو عام وچڙندڙ جنسي انفيڪشن ٿئي ٿو. اٽڪل 50 سيڪڙو ڪيسن جو ڪارڻ ڪليميڊيا ٽريئڪومئٽس (Chlamydia trachomatis، ڏسو، chlamydial infections) ٿئي ٿو ته ٻيا ان وائرس سبب ٿين ٿا جيڪي ھرپيز سمپليڪس (herpes simplex)، ٽرائڪومونس ويجائينيلس (Trichomonas vaginalis) انفيڪشن پيدا ڪن ٿا (ڏسو، trichomoniasis) يا ٻيا خوردبيني جيوڙا (microorganisms). باقي ڪيسن ۾ انھن جي ڪارڻن جي ڄاڻ ڪونھي. مردن ۾ ھن انفيڪشن سبب پيشاب نليءَ مان صاف يا پونئدار پاڻيٺ خارج ٿيڻ سان گڏ سور يا پيشاب ڪرڻ ۾ تڪليف ٿئي ٿي، عورتن ۾ ٿيندڙ ساڳيءَ تڪليف کي نان اسپيسفڪ جينائيٽل انفيڪشن (nonspecific genital infection) سڏجي ٿو جيڪو تيستائين تڪليفون پيدا ڪري نٿو سگهي جيستائين پيچيدگيون پيدا نٿيون ٿين. جيڪڏھن تڪليفن جي ڪارڻ جي ڄاڻ نه پوي ته علاج ڪرڻ ڏکيو ٿي سگهي ٿو. علاج لاءِ اينٽيبِياٽڪ دوائون جھڙوڪ: ڊاڪسيسائيڪلن (doxycycline) ۽ ايزيٿرومائيسن (azithromycin) ڏجن ٿيون. علاج کانپوءِ پوئواري ڪرڻ لاءِ ڊاڪٽر سان ملندي رھڻ جي سفارش ڪجي ٿي ۽ ڪانٽيڪٽ ٽريسنگ (contact tracing، انھن مريضن جي انٽرويوئن ۽ لئبارٽريءَ جي تپاسن رستي نشاندھي ڪرڻ جيڪي بيماري ۾ ڊگهو مبتلا رھيا ھجن يا آھن يا بيماريءَ جي باريءَ (vector) سان لاڳاپي رھيا آھن ته جيئن وچڙندڙ بيماريءَ خاص طور تي جنسي وچڙندڙ ن کي محدود ڪري سگهجي) ضروري ٿئي ٿي. مردن ۾ نان گونوڪوڪل جي پيچيدگين طور اپيڊيڊائيمائيٽس (epididymitis)، پراسٽيٽائيٽس (prostatitis) ۽ يوريٿرل اسٽرڪچر (urethral stricture) پيدا ٿي سگهي ٿي. ڪن مردن ۾ پيچيدگيءَ طور ريئيٽرس سنڊروم (Reiter’s syndrome) به پيدا ٿي سگهي ٿو. عورتن ۾ پيلوڪ انفليميٽري ڊزيز (pelvic inflammatory disease) ۽ بارٿولنس غدودن (Bartholin’s glands) جون سسٽون پيدا ٿي سگهن ٿيون. ورلي، جيڪي عورتون ڪليمائيڊل سرويسائيٽس (chlamydial cervicitis) ۾ مبتلا ٿين ٿيون تن جي ڄمندڙ ابھمن ۾ ھڪ قسم جي اکين جو اٿڻ (conjunctivitis) آفٿيلميا نيئونئٽورم (Ophthalmia neonatorum) پيدا ٿي سگهي ٿو.