فرينڪلن ڊيلينو رُوز ويلٽ 1933ع کان 1945ع تائين آمريڪا جو صدر رهيو. امن جي زماني ۾ هن جي نيتين کي ”نئون ٺاهه“ جو نالو ڏنو ويو. انهن نيتين جو مقصد 1929ع ۾ زبردست معاشي بحاليءَ (Great Depression) جي روپ ۾ ٿيل اهڙن سياسي ۽ معاشي هاڃي جي اثرن کي ختم ڪرڻ هو، جنهن لکين آمريڪين کي بيروزگاري ۽ بدحاليءَ جي جهولي ۾ اڇلايو. صدر روز ويلٽ اهو اصطلاح سڀ کان پهريائين ڊيموڪريٽڪ جماعت پاران صدارتي چونڊ لاءِ سرگرمين مهل پنهنجي تقرير ۾ 1932ع ۾ استعمال ڪيو. ان پروگرام مطابق ملڪ مان بيروزگاريءَ جو خاتمو ڪرڻ، صنعت کي فروغ ڏيڻ، زراعت، واپار ۽ ٽرانسپورٽ کي بهتر بنائڻ، ۽ ٻيا ڪيترا ئي پروگرام شروع ڪرڻ هيو.هن پاليسيءَ ڊيموڪريٽڪ پارٽيءَ کي وڏي سگهه بخشي ۽ اُها چونڊن کان پوءِ ايوان توڙي اقتدار ۾ اڪثريت حاصل ڪري وئي.