بي اثري جو عمل، بي اثري ، عمل تعديلي

غير جانبدار بنائڻ جو عمل

فوجي حوالي سان هي اصطلاح ڪنهن به هڪ ڌُرطرفان ڪيل اڳرائيءَ جومناسب جواب ڏيئي سندس سرگرميءَ کي بي اثر بڻائڻ واري صورتحال لاءِ ڪتب ايندو آهي ، جنهن جي نتيجي ۾ ڪنهن به گهوٽالي ۾ پهلڪاري ڪندڙ ڌُر پنهنجومقرر ڪيل مقصد حاصل ڪرڻ ۾ ناڪام ٿي ويندي آهي . جڏهن ته سفارتڪاريءَ ۾ ساڳيو اصطلاح بين الاقوامي برادريءَ پاران قانوني ۽ عملي قدم کڻي ، ڪنهن به اڳرائي پسند غيرقانوني عمل جو ٽوڙ ڳوليندي ، لاڳاپيل ملڪ کي ضابطي هيٺ رکڻ لاءِ جوڳا اُپاءَ وٺڻ يا معاهدن ذريعي پابند رکڻ جي سلسلي ۾ استعمال ڪيو ويندو آهي . ان کان علاوه بارودي سرنگن ، بمن ، ميزائيل ۽ ٻين موتمار هٿيارن کي نقصان پهچائڻ کان اڳ بي اثر ڪرڻ يا واپرائڻ جوڳي ڪنهن به شئي ۾ ملايل زهريلن ڪيميائي مادن کي پاڪ ڪري ٻيهر استعمال جوڳو بڻائڻ واري سرگرمي به هن اصطلاح هيٺ ئي بيان ٿيندي آهي . هن عمل تحت ڪنهن به رياست جي اندر ناراض ڌُرين جي مطالبن کي مڃي کين عملي احتجاج يا تشدد جوڳي سرگرميءَ کان پري رکڻ ، ڪنهن به ملڪ کي امڪاني جنگ جي دائري کان ٻاهررکڻ لاءِ کيس فوجي سرگرميءَ کان پاڪ علائقو قرار ڏيڻ (جيئن ٻي مهاڀاري جنگ ۾ بيلجيم جي حوالي سان ٿيو) ، منجهيل مسئلي جو قبولڻ جوڳو حل ڪڍڻ ۽ ڪنهن به قوم کي پروپيگنڊائي مهم ذريعي ورغلائڻ کان پري رکڻ سميت هر اهو قدم اچي وڃي ٿو ، جنهن سان منفي نتيجن ۽ امڪانن جي حوصلي شڪني ممڪن ٿي سگهندي آهي .